دخلت سارة باش تفحص غيث هي بدات و هوما دخلوا عليها زوج لابسين لكحل و مدايرين ماسك تخلعت بعد ما صوبوا عليها السلاح ولات ترجف وحدها ..... واحد ڨعد مصوب عليها السلاح و واحد راح جيهة غيث ڨعد يشوف منا و منا و مبعد كان راح ينحيلوا الخيط تاع الماشينة اللي رابطينوا بيها ثم عيطت سارة .... و يروح ليها هاذاك اللي كان مصوب سلاحو فيها عطاها كف حتان طاحت في الأرض (شاتية نجرب الكف هذا منعرف علاه 😂😂)
كان حسام عاڨب من ثم سمع العيطة حل الباب بشوية هوما ما فاقوش بيه شاف هاذاك كي ضرب سارة ثم الزبل طلعلوا لراسو بصح محبش يدخل علابالو بلي كون يدخل يقدروا يقتلوا سارة و غيث .........
هو كان علابالو بهوية غيث الحقيقية راح يجري لرحيق و يوسف ڨلهم راحوا هوما يجريوا باسكوا كون يفقدوا غيث إحتمال كبير يفقدوا خدمتهم و المنصب تاعهم .....
زدموا عليهم طول بدون مقدمات صوبوا فيهم السلاح واحد حكم سارة و حط السلاح على راسها و الثاني حطو على راس غيث ........
ثم رحيق و يوسف مالڨاو ما يديروا أما حسام كان يڨدم بشوي بلا ما يفيقوا باسكوا كانوا متوترين حتان وصل مور هاذاك الراجل و سارة كان هاز إبرة منومة (فيها مخدر) في يدوا غمز ليوسف و غرسها في رڨبة الراجل ........
و في نفس اللحظة يوسف طلڨ رصاصة من سلاحوا جات في راس الراجل الآخر طاح ثم ميت .....
يوسف و رحيق راحوا للراجل اللي ميت خرجوه و زادوا داو الثاني باش كي يفطن يستجوبوه .... أما حسام راح يجري لسارة لڨاها تبكي دموعها مغرقين وجهها و ترجف ماهيش قادرة توڨف بلا ما يستنى دقيقة تحضنها و زير عليها و هي حكمت فيه بيديها و زادت في البكا ......
شوية و فاقت بروحها دزاتو هو إستغرب ڨاتلو:" غيث رايحة نشوف غيث بالاك كشما دارولو ."
راحت تجري جهة غيث و ڨاعدة تفحص فيه و تشوف في هاذوك الأجهزة تقلب فيهم لڨات كلش مليح غير هو زادت نبضات قلبو برك باينة حس بلي كان في خطر .....
راحت سارة و دات الإذن من عند المدير باش تروح للدار و هو سمع بواش صرا مالا سمحلها تروح خرجت ..... بصح حبسها حسام صح قلقاتو كي عادت لاتية بغيث بصح مهناهش ڨلبو و مقدرش يخليها تروح وحدها و بالفعل لڨى يديها مزالو يرجفوا يعني متقدرش تسوڨ ......
نحالها المفتاح بلا ميهدر معاها و راح ركب و ڨالها:" هيا نوصلك ."
مكانتش قادرة تناقشوا حتى ركبت و هي ساكتة وصلها مدلها المفتاح و ولى يمشي للسبيطار
حكمتها سوزان من برا تقرعج ڨاتلها :"بسسس شكون البقلاوة الزين هذا اللي وصلك ؟!"
سارة :" سوزا يرحم والديك أسكتي عليا هذا حسام الطبيب الجديد اللي حكيتلك عليه وضك نطلع نريح و مبعد نحكيلك واش صرا !!" سوزان :" صحا معليش ڨوليلي وشراه معاذ ؟!" سارة :" و الله ما علابالي يخي علابالك ماهوش يهدر معايا ." طلعت سارة بدلت قشها و راحت طول رڨدت .
************************************
سلام البنات وشراكم ؟!
هيا تفاعلو و ديروا فوت 😊😊
إلا ڨعدت نزيدلكم بارت في رمضان هذا وإلا مڨعدتش بعد رمضان إن شاء الله نتلاڨاو نحبكم 💜💜💜❤
صح رمضانكم و كل عام و أنتم بألف خير ينعاد عليكم بالصحة و الهنا 💙رمضان مبارك💙
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
