ناض يوسف الصباح ولبس قشو خرج من الدار لڨى رحيق تستنى فيه إستغرب موالف هو اللي يروح ليها اليوم هي اللي جات ليه يوسف : صباح الخير رحيق : صباح النور ، cv ?! يوسف : لباس الحمد لله ونتي ؟! رحيق : الحمد لله وكملوا طريڨهم وهوما ساكتين كل واحد يخمم في حياتو
************************************
عيط حسام سارااااااا حست بيد جبدتها والرصاصة جات في الشجرة اللي ڨدامها جبد راسها لاحو في صدرو وحضنها بيديه لزوج وهو يجري بيها حتان وصلو لشجرة أخرى تخباو موراها
حلت عينيها بشوية ويقابلوها عينين ڨري (رمادي) جسم طويل وعريض توصل هيا لنص صدرو برك شعرو قهوي وعندو لحية خفيفة مطراسية تهبل وزين ڨعدت باهتة فيه وحست قلبها يخبط بالزربة .... تبسم ومسحلها على راسها وڨلها متخافيش .... ڨعدت غير تدنڨ فيه مستغربة منو ومن الشعور اللي راهي تحس فيه معاه شعور مميز هاذ الإنسان حنين بزاف باين من وجهو وتصرفاتو
سارة : تعيش كاين واحد راهو يموت لازم نسلكو لازم نروح للطوموبيل ونجيب ....
مكملتش هدرتها ڨطع عليها حسام كي جا يجري جبدها من ذراعها وضربها بكف ڨعدت مشوكية .... ومبعد ثم ثم جبدها لصدرو وتحضنها وزير عليها وهدر بصوت ناقص وتاعب :"علاش ديري فيا هكذا علاش ! متت بالخلعة علابالك ؟! يخي ڨتلك متتحركيش من بلاصتك !!"
حشمت من هدرتو ومن الوضعية اللي راهم فيها بصح ثم ثم تفكرت الكف اللي داتو وبلي راهو متحضنها إستجمعت كامل قوتها ودزاتو حتان ڨريب طاح وهدرت بالعياط :"ڨتلك متزيدش تمسنيييي فهمت ؟! وديجا شكون نتا باش تضربني وش دخلك فيا أنا حابة نموت ونتا وش دخلك ؟! أنا طبيبة يا بنادم (تفكرت تاع تسما أنا مانيش بنادم 😂😂) منقدرش نشوف واحد يتعذب ورايح يموت ومنعاونوش على الأقل نحاول نسلكو أنا جيت هنا على جالو 😠"
حسام : أنا الرخيس اللي نخمم عليك وخفت تصرالك حاجة أنا الرخيس اللي طيشت روحي بين الرصاص على جالك ورحت جبتلك هاذي (طيشلها علبة الإسعافات الأولية ڨدامها) أنا اللي كلب ونرخس في روحي بصح معليش هاذي توصي على الجاية وراح مقلق وخلاها باهتة يعني هي ضلماتو ضرك هو كان يخمم عليها وهي رخساتو وضلماتو بصح هي متحبش أي راجل يقرب ليها سيرتو كي يكون ماهوش محرم تاعها !!!!!
راحت تجري ومعاها هذاك اللي سلكها بدات تداوي في جروح العسكري اللي ضربوه هو تخلع :" أيمن؟!!" دارت ليه :تعرفو ؟! ڨالها:" إيه صاحبي ؟!" سارة : مالا أزرب عيط للحماية المدنية راهم كاين بزاف المصابين ماشي غير هو وزيد كاين حتى اللي ماتو - أوكي دكتورة ....... سارة : دكتورة سارة - وأنا الضابط إيهاب !! سارة : متشرفين إيهاب وهيا لكان تقدر أديني لهاذوك الزوج راهم مزالو يتنفسوا إيهاب : أوكي أمشي ڨدامي وأنا راني جيست موراك وكل ماتلڨاي شجرة أتخباي موراها شاورتلو براسها إيه وراحو يمشيو بشوية في الأرض وكل مايلحڨوا لشجرة يتخباو وراها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
