سارة : شوف إلا صح تحوس على سوزا وتحبها صح لازم تصبر عليها قادرة تقبل من بعد وقادرة تبقى رافضة ولكان مجرد إعجاب ويروح مع الوقت غير أخطيها خويا اللي فيها يكفيها إسلام : إيه أنا ناويها للحلال ونصبر معاها بصح نحوس نعرف لاه راهي رافضتني ؟! سارة : نورمالمو تسمعها من عندها وأنا معندو مدخلني بصح غاضتني كي راهي تتعذب كل يوم ڨدامي وتوعدني إلا رايح تخليها بعد ما تسمع قصتها ماتڨول لحتى واحد وش صرالها الهدرة تڨعد بيناتنا
إسلام : والله منهدر لحتى واحد وسرها يڨعد معايا حتي لآخر يوم في حياتي
سارة تنهدت وعينيها دمعو : أنا وسوزان صحابت ملي كنا صغار أصلا حنا جيران ....... كي كانت سوزا عندها 18 سنة كانت جاية توالي باش نفهمها في الرياضيات والفرونسي ..... باسكو كان عندها إمتحان غدوا ..... جات فهمتها وكي خلصت كانت الستة تاع العشية كنا في الشتاء ...... في هذاك الوقت الدعوة مظلمة طول والنو (المطر) تصب خرجت من عندي وڨاتلي بلي رايحة تشري من المكتبة وباش تروح للدار ..... المكتبة كانت ورا دارنا بصح البلاصة فارغة شوية وتخوف .... (سكتت سارة مقدرتش تكمل ودموعها هبطوا مسحتهم إستغفرت مرتين وكملت تحكي) كي شرات و جات مروحة حكمها وحد الحيوان من يدها ودخلها لدار ثما ..... الدار هاذيك كانت تاع عجوز كبيرة من بكري وهي ساكنة ثم وواحد مايجي ليها كي ماتت العجوز ڨعدت الدار فارغة ...... المهم دخلها ...... وإغتصبها 💔💔 وراح وخلاها تطايش في دمها😭 كي فطنت لبست قشها وهربت لدارهم تحاول تزرب وتجر في رجليها بسيف باش وصلت ..... ڨابلتها أمها عند الباب ترمات في حضنها وڨعدت تبكي ....... حكاتلها كلش ومها كي عادت تحبها بزاف ومتعلقة بيها دارت كلش باش تخفف عليها ووڨفت معاها ..... بصح سوزا دخلت في إكتئاب عام كامل ..... وحاولت تنتحر بصح قدرنا نسلكوها ..... حبست قرايتها 💔 وعادت تضال في الدار بسيف باش خرجناها من الحالة اللي كانت فيها ورجعت تخدم وتخرج بصح إحلامها كامل تحطمت بسبتو الله لا تربحو رخيس ولحد الآن واحد ماعلابالو بحكايتها بغيري أنا وأمها برك ....... وباباها ميت ربي يرحمو دارت لإسلام لڨاتو يبكي سارة : تحبها لهذي الدرجة ؟؟ إسلام : لالا بصح أنا نعرف حكايتها !! سارة : كيفاااااش ؟!!!! إسلام :أنا اللي إغتصبتها !!!!!!!!!!!!
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سلام حبوباتي وشراكم ؟!
توقعاتكم ؟!!!
البارت في خاطر foufamimi هاني كملتلك حكاية سوزا آسيدي غير أرضاي علينا برك 😂😂😘
