لطالما عاملتنا الحياة بسوء حيث تقدر السيء و تحترمه و تذل البريء و تدهسه لماذا ياترى لأن الحياة ليست بذلك السوء بل نحن من نراها كما نريد لو رأيناها جيدة لأصبحت كذلك و لكننا إخترنا الجانب المظلم لما ؟! لأننا جميعا سيئون مهما حاولنا التظاهر بالطيبة و البراءة فإن جانبنا المظلم يسيطر علينا في كثير من الأحيان فنفعل مالا تحمد عقباه لنندم حين لاينفع الندم بشيء !!
❤من كتاباتي❤
************************************
ناضت سوزان الصباح بدلت قشها وراحت بكري حلت الباب ودخلت بدلت لبست جبة تاع دار
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و بدات تسيق في الصالون تاعها وتمسح في الكراسا و هي تدور وتغني وكي خلصت بدلت قشها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و حلت تستنى كشما يجيوا يمشطوا عندها .حتى تولهت لواحد كان واقف مقابل الصالون تاعها و مدور راسو لهيه كي شغل يستنى في كاش عبد .
تاهت فيه هاذيك لاطاي و هاذاك الزين شعرو قهوي، و مداير نواظر، و عندو لحية وطويل وجسمو مخدوم روووعة . بعد مدة فاقت لروحها دورت راسها و لظت علي يدها و ڨالت :"مدنڨيش فيه نتي مالازمش تحبي ...... معندكش حتى الحق باش يعجبك كاش واحد .....نتي راح تكملي حياتك كاملة وحدك !!!"
أما إسلام كان يشوف فيها ومبعد كي تولهتلو دار لهيه باش ميديرش السمير لروحو شوي وصلت ختو ياسمين ڨاتلو وش تحوس ...عيطتلي جيت نجري على جالك .... أووووف أزرب رايحة للحفافة مانيش ڨاعدتلك عندي عرس تاع صحبتي إسلام :"صكري فمك برك آي واش تهدري بالعة كاسيت ؟! " ياسمين :" معندو مدخلك فيا نهدر ولا نسكت ديجا أنا الفراية اللي جاية على جالك حتى لهنا أزرب أنطق واش تحوس " إسلام : " نتي واقيلا تحوسي نربيك فمك راهو تشرك صكريه لنريبولك و روحي ديراكت لهاذي الحفافة اللي مقابلتنا وجدي روحك عندها ودبري راسك لازم تجيبيلي النيميرو تاعها " ياسمين :"منجيبش وضك نڨول لبابا ومنمشطش عندها رايحة لوحدة أخرى " إسلام:" ياسمين متقلقنيش روحي لنعطيك طرايح في نص الفيلاج أزربي الفحلة وأحكمي فمك ليك " وراح وخلاها نسفت ياسمين وراحت تمشي وتهدر :"لالا هبل الطفل هبل لازم كي نروح نديه لبسيكو ....إيه لازم نداويوه قبل مايروح فيها !!"
************************************
دخلو رحيق و يوسف للسبيطار و راحو سقساو على الغرفة تاع غيث(العميل السري اللي ضربوه بالرصاص المرة اللي فاتت) و نعتولهم لي كارت تاعهم باش ڨالولهم عليه طلعو ديراكت للغرفة 206 و دخلو ليها لڨاو سارة خارجة هي و حسام سلموا عليهم وحسام ڨعد يشايخ معاهم و سارة راحت شوية وراح حسام ڨعدوا هوما برك يعسوا فيه ....
************************************
دخلت سارة لوحد الغرفة فيها كتابات و الحوايج اللي يحتاجوهم الأطباء هزت كتاب ورڨعدت تقرى على وحد الحالة ومبعد تفكرت محمد غلقت الكتاب وتاهت مفاقتش كيفاه بدات تغني مالك ؟! مش باين ليه قلبك تايه من مدة كبيرة خايف تتكلم ليه ؟! في عيونك حيرة و حكاوي كثيرة متغير ياما عن زمان قافل على قلبك البيبان حبيت و فارقت كم مكان عايش جواااك إحساسك كل يوم يقل بتخطي و خطوتك تزل من كثر ما أحبطوك تمل فين تلقى دواااك بتودع حلم كل يوم تستفرد بيك الهموم و كلو كوم و الغربة كوم و الجرح كبيير مبتديش حاجة إهتمام أهلا أهلا سلام سلام بقا طبعك قلة الكلام و مفيش تفسيير ❤و داري داري يا قلبي مهما تداري و صعب الناس حزننا ماتشووف و أهو عادي عادي محدش في الدنيا دي بيتعلق بشي إلا و فراقو يشووف ❤
فاقت كي سمعت الباب تحرك دارت لڨات حسام واقف و مربع يديه ومتكي على حاشية الباب ناضت تجري خبات الكتاب وجاية خارجة حكمها من يدها دارت ليه حسام :" صوتك يهبل " سارة هبطت راسها وڨاتلو:" thanks" جات خارجة لڨاتو مزال حاكملها يدها و يشوف فيها دنڨت فيه وڨاتلو :"وشبيك ؟!" ڨالها حسام :"عينيك !!" سارة مستغربة:" وشنهي ؟!" فاق حسام لروحو :"والو والو خلاص روحي تخدمي"
راحت سارة وهي مستغربة منو ومن روحها كون راجل آوخر اللي حكملها ذراعها كون قتلاتو بصح هو مقدرت تقولو والو !!! ************************************
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
