اليوم حبيت نشعلها 😂😂 البارت هذا راح نديروا ناااااار ساو نبداااااو 🔥🔥🔥🔥🔥🔥😘
واڨف في شمبرتو ويلم في قشو وهو يسب في سفيان حالف اليوم يروح لأمريكا يلحڨ رحيق محال يخليها وحدها ..... دخلت عليه ختو وحكمتلو يدو دار ليها شهرزاد : يوسف وين رايح يوسف : خليني شهدرزاد طالع لأمريكا عندي مهمة شهرزاد : يوسف بلييز متروحش وتخلينا وأنا وبابا شكون يتهلى فينا ؟! يوسف : شهرزاد متصعبيهاش عليا نروح ونرجع كيما موالف شهرزاد : لالا علابالي بلي ماكش رايح على جال المهمة رايح على جال رحيق سمعتك تهدر في التيليفون يوسف : ختيتو لازم نروح منقدرش نخليها وحدها أفهميني يعيشك راني نموت عليها شهرزاد : بصح هي متحبكش وماهيش مدايراتك في بالها نهائيا ودير هاذ الهدرة في بالك مليييح خرجت وخبطت الباب تنهد وڨعد على حافة السرير يخمم في هدرة ختو ..!
************************************
ڨاعدة في شمرتها ضامة رجليها لصدرها وحاطة راسها عليهم وتبكي غايضتها روحها بزااف الكف تاع خوها لضك خدها راهو يحرڨ فيها منو وزاد باباها كي صدقوا ومهدرش معاها نهائيا ...... كون غير ضربها ولا عيط عليها بصح هو عاقبها بأسوء عقاب .... تجاهلها تماما كي شغل مكانش والمشكل أنو هي مغلطتش مآذات حتى واحد علاش راهو يصرالها هكذا ..... راسها ڨريب يطرطڨ شكون اللي صورهم وشكون اللي بعثهم لمعاذ ؟؟ مقدرت تلڨى حتى جواب لأسئلتها ..... دخلت عليها أمها شافت فيها من فوڨ للتحت بإستحقار وطلڨت القنبلة اللي جامي توقعت سارة أنها تسمعها من أمها حبيبتها الأقرب ليها من الناس كامل زينب : كلبة متحشميش خسارة تربيتي فيك أنا وباباك ...... محمد هناه ربي منك أصلا متستاهليش واحد كيفو .... نتي يليقلك غير هاذاك الكلب اللي كان في لي فوطو معاك .... وديري في بالك بلي خطبتك نهار الجمعة وخرجت وخلاتها مشوكية ..... تجرحت بزاااف من امها جرح عمرو ولا يبرى .......مزال كلام أمها يتعاود في وذنيها .....
************************************
ناضت الصباح لبست سيرفات وخرجت تجري تبان بلي راهي تدير في السبور بصح هي راهي تدور علي هاذيك الفيلا تشوف شكون دخل وشكون خرج تحسب ڨداه عدد الحراس في يومين برك قدرت تعرف بلي راهو عايش في كندا وعرفت حتى دارو نار الإنتقام عطاتها عزيمة وإرادة كبييرة باش قدرت توصل ليه في يومين تفاهمت مع واحد يخدم ثم بعد ما مدتلو مبلغ كبير وقبل باش يدخلها للدار بصح عندها ساعة برك في يدها غدوا على العشرة تاع الليل راح تدخل وتدمروا ....!!!
************************************
عند روان عيطلها فؤاد راحت تجري باش تقابلو عندها 3 أيام ماهوش يبان وميجاوبش على الميساجات اللي تبعثهملو ...... وصلت للكافيتيريا اللي تفاهمو يتلاقاو فيها سلمت عليه تبسم وڨالها نخرجو ونحكيو خير ڨاتلو أوكي هز قهوة وخرج راحو لوحد البلاصة باهية ومفيهاش الناس بزاف بدات روان تهدر روان : فؤاد وشبيك علاش ماكش ترد عليا حيرتني وزيد 3 أيام مبنتش ؟! كشما صرالك ؟! راك ملليح ؟!
فؤاد : متخافيش أنا راني مليح وزيد جبتلك خبر هاااايل
روان : وشنهي هو غير الخير ؟!
فؤاد : لالا غير الخير السمانة الجاية راكي معروضة لخطبتي
فؤاد : راكي من نيتك أنااا نتزوج بوحدة كيفك وحدة رخيسة ومتسواش اللي يڨلها كلمة تتبعوا مشيتي معايا سي نورمال تكوني مشيتي مع ڨداه من واحد قبلي وبالاك تزيدي تمشي مع آخرين بعدي كون تڨعدي نتي الوحيدة بين النسا جامي نتزوج بيك
روان : مبروك عليك إن شاء الله متتهناش في حياتك ووكيلك ربي راحت وهي تبكي وتشهق كيفاه قدر يلعب بيها ومن بعد يخليها (هاذي هي نهاية كل وحدة تدير علاقة في الحرام وربي جامي يبارك فيها ونهايتها وجيعة القلب والدموع والحزن جامي تكمل بفرحة اللي يحبك صح يجيك لباب الدار ماشي يمشي معاك ويخليك توطي راس والديك وتهدري معاه في الليل بالتخبية ويخليك تعصي ربي هاذا عمرو ماكان حب ولا راح يكون الحب الحقيقي يكون في الحلال وكأفضل قدوة حب الرسول صلى الله عليه وسلم لخديجة عليها السلام )
#بقلم : عائشة #
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
البارت في خاطر lolitalolutal ولا ڨعدت ضك نزيدلكم واحد 😘😘
