ناضت سوزان الصباح شعرها طالع وعينيها حومر ومنفوخين من البكي وراسها يوجع فيها ..... كانت رايحة تولي ترڨد ومنبعد شافت روحها في المري (المرآة) خلعت ڨاعدة تشوف في المري وتهدر مع روحها : "لالا هاذي ماشي أنا ... سوزا قوية .... سوزا محال تضعف لسبة كيما هاذي .... هو يستاهل وحدة خير مني وأنا غلطت كي حبيتو .... مي الغلطة هاذي إن شاء الله منعاودهاش مرة أخرى "
راحت للخزانة جبدت روبة زرقاء وصاك أكحل وبليغة في الدوري حطتهم فوڨ السرير ودخلت دوشت ولبستهم ودارت شوي مايك آب باش تغطي التعب اللي كان باين على وجهها وعينيها المنفوخين 💔
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
طلت عليهم في الكوزينة سوزا : ماما ... سمية ... صباح الخييييير 😘 تخلعت ماماها وناضت تجري وحكمتلها وجهها بين يديها : سوزان بنتي راكي مليحة ؟؟!!! سوزا سلمت عليها في جبهتها : راني مليحة ماما متتقلقيش عليا وديجا نفطر معاكم ونروح للخدمة راني هملتها سمانة كاملة .... أم سوزا هزت يديها لفوق وتمتمت :" الحمد لله يارب ..... الحمد لله ."
فطرت سوزا وخرجت ..... بدات تمسح في الغبرة وتنظم في الصالون تاعها جات ليها وحدة تعرفها بدات تشايخ هي وياها .... وتمشطلها ودارتلها المايك آب ...... تلهات مع خدمتها وبدات تنسى شوية خرجت المرا هاذيك .. وتحل الباب :"السلام عليكم " سمعت صوتو يبست في بلاصتها مقدرت تدير حتى حاجة .... عينيها تعمروا دموع وكامل القوة اللي كانت تحاول تبينها من الصباح راحت .... حطت يدها على جبهتها ودموعها بداو يهبطوا بالوحدة هزت يديها في زوج وبدات تمسح فيهم وهوما محبوش يحبسوا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دارت ليه (لازم تواجهو ماهيش رايحة تكمل حياتها كامل هاربة منو تهدر معاه وتبعدو عليها ) : وعليكم السلام إسلام : حاب نهدر معاك سوزا : أوكي ..... راحت جبدت كرسي وعيطلتو ڨعد وهي جابت كرسي أوخر وڨعدت مڨابلاتو إسلام : علاه مقبلتيش بيا ؟!! سوزا : مقبلتش برك !! نظن بلي هاذا رأيي ولازم تحترمو !! إسلام : هيه علابالي بصح حاب نعرف السبب برك سوزا : سبب شخصي إسلام : نقدر نعرفوا ؟!! سوزا دمعوا عينيها وصوتها تهز : لالا وزيد منحبكش إسلام قرب ليها و ركز في عينيها مليح : بصح عينيك راهم يڨولو العكس !!! سوزا وڨفت : تقدر تتفضل أنا كملت هدرتي إسلام : أوكي ضك نروح بصح مانيش رايح نسمح فيك سوزا طرطڨت بالبكي وبدات تعيط : أخرررج عليااااا ..... أخررج كذاااااااااب كاامل كيف كيف تديو واش تحبوا وتروحوا😭😭😭 ميهمكم في حتى حاجة نكررررهكم نكررررهكم كااامل راح إسلام يجري باش يهديها مع وصل ليها طاحت بين يديه وماعادت تحس بحتى حاجة !!!
💔💔💔💔💔💔💔💔💔💔💔💔💔
# بقلم : عائشة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
