فاتو 3 أيام ماصرا فيهم والو وجا اليوم الحاسم اللي راح تتخطب فيه سارة لحسام رسميا ويقراو الفاتحة ....... وتدخل فيه رحيق لدار الراجل اللي قتل والديها ودمرلها حياتها وتنتقم منو .... وتبدا فيه صوفيا خطوة جديدة في حياتها بعيدا عن الخماج تاع باباها ...... وتتغير فيه روان للأبد ...... ويبدا فيه جلال يخمم للخطة اللي راح تقلب حياة سارة وحسام وممكن تدمرها 😕😎🔥🔥🔥
عند روان 3 أيام مجاتش تخدم بعد مخلاها فؤاد وجرحها جرح كبييير عاودت حساباتها لڨات روحها غالطة بزاااف كي خالطت ومشات مع الذر صحيح أنو نقص الإهتمام اللي دارلها هكذا بصح مكانش عليها أنها تغلط وتعصي ربي ( روان ملي كانت صغيرة وهي وحدها معندهاش إخوة ..... ومعندهاش بنات خالات وعمات كامل مفروڨين وعايشين بعاد على بعض ...... وجدودها ماتو في ربعة يسما قليل وي يتلاقاو أصلا متعرفهمش كامل ...... والديها خدامين باباها طبيب وأمها نائبة في البرلمان ..... من وهي صغيرة مطيشينها غير عند المربيات وكي كبرت متتلاقاش بيهم طول النهار غير في الليل ...... وساعات يكون واحد فيهم غايب من الخدمة بزااف وأصدا يتعشاو برك مع بعض تقريبا النقاش بيناتهم منعدم ..... ملي تحتاج دراهم يمدولها بلا حساب وهذا الي زاد عليها )
روان قررت من اليوم تهتم بروحها وتتوب لربي حتى أنها دارت حجاب ❤ وأحمد كي شافها ماااات بالفرحة أصلا هي حكاتلو واش صرا بينها وبين فؤاد وراح لفؤاد عطاه طرايح 😎😎
************************************
لبست روبة باهية مع خيمارها في الڨري (الرمادي) وزادت شوية مايك آب خفيف ولبست صندالة طالو مع الإكسسوارات وبوشات صغيرة في الروز
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الدموع لاصقين في شفارها وڨلبها يوجع فيها ماهيش قابلة بالخطبة هاذي ..... وزادت ردة فعل والديها شوكاتها ثم ثم قبلو تڨول حابين يتهناو منها ...... وزادت حست روحها تخون في محمد 💔💔 ڨدامها سوزا تمسحلها في دموعها وتسكت فيها تحاول تنسيها كانت لابسة هكذا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
