ڨاعد فوڨ الفوتاي ويكونكتي سمع لاصونات تأفف ومبعد ناض حك شعرو وراح يمشي ويتكسل وصل للباب حلو لڨى ضرف حلو لڨى فيه فوطوات كي شاف وش فيهم تشوكا .... هي محال تدير هكذا .... مستحيل بصح لي فوطو ميكذبوش ...!!!!
***********************************
دخل عندها بعد ما ڨالولو بلي راهي تحوس عليه حاس بوجع كبيير في ڨلبو نادم بزااف على وش دار فيها ..... ڨعد على الكرسي تبسمت فاتن معاه نبيل (راجل فاتن) : راكي مليحة ؟!
فاتن : لباس الحمد لله ونتا ؟!
نبيل : صفا الحمد لله .... أحمم .... سمحيلي فاتن
فاتن تبسمت : راني مسامحاتك ومسامحتكم كامل مهما كان الغلطة ماشي تاعك وحدك الغلطة الكبيرة تاع والدينا ..... مام نتا مكنتش قابل بيا .... كنت ناوي تخطب الطفلة اللي تحبها ..... بصح والديك سيفو عليك تتزوج بيا .... شوف نبيل نوصيك على وليدي أتهلى فيه مليح مليح لازم متخصو حتى حاجة وبليز متسيف عليه والو كي يكبر متدمرلوش حياتو كيفنا ...... روح أخطب حبيبتك لاكان متزوجتش وعيش معاها على الأقل واحد فينا يفرح في حياتو ..... نبيل مالڨري كنت ساعات تضربني وتعيط عليا وتسبني (مسحت دموعها اللي ساحو) بصح منسيتش الذكريات الملاح معاك كيما خرجتني وديتني للبارك ......وكيما شريتلي الروبة اللي سخفت عليها ....... نهار ڨتلك نحب الڨطوط رحت جبتلي ڨطة ........ وكيما كنت مريضة وطيبتلي العشا هههههه ونقيتلي الدار وغسلت الماعن 😂 ..... نتا إنسان بزااف بزااف مليح الظروف برك رجعاتك هكذا حبيت نڨولك بلي العام اللي جوزتوا معاك بالحلوة والمرة حبيتك فيه إيه حبيتك بزااف بزااف ..... طلعت راسها لڨاتو يبكي ومبعد حكملها يدها نبيل : فاتن مام أنا نحبك بصح من القلقة تاع بابا ويما مكنتش نعرف نتصرف معاك وسيرتو كي نروح نشوف لبنى(حبيبتو) ونلڨاها تبكي أسمحيلي فاتن أسمحيلي غلطت في حقك بزاف نوعدك غير تزيدي نرحل أنا ونتي ووليدنا للمدينة ونعيشوا حياتنا ونعوضك على كلش حبيبتي 😥
فاتن : فات الحال نبيل ...!! مفهمش جا يسقسيها وش تقصد دخلت سارة في هاذيك الدقيقة مالا سكت .....
************************************
بعد ما شافت فاتن راحت لسوزا طلت عليها وعيطولها هبطت تجري لڨات فاتن تعيط وتبكي جات أخصائية النساء والتوليد ڨاتلهم رايحة تولد راحو يجريوا دخلوها لغرفة العمليات وكانت سارة هي المساعدة وبداو يديرولها في العملية خرجوا الطفل مع خرجوه بدات دڨات الڨلب ينقصوا والضغط طلع بداو يحاولوا باش ينقذوها مقدروش شوية وحبس ڨلبها دارولها مساج القلب منفعش راحت سارة تجري وبدات تديرلها في الصدمات الكهربائية والفرملية تعاون فيها بصح متبدل واااالو حطتهم سارة وطاحت في الأرض تبكي والطبيبة ڨاتلهم يكتبوا ساعة الوفاة 10:35 صباحا ..... غطاولها وجهها وخرجوا من غرفة العمليات الطاقم الطبي كامل خرج يبكي جاو يجريوا عائلتها ڨاتلهم سارة عظم الله أجركم ومدتلهم الطفل وڨاتلهم على وصيتها باش يسميوه أنس أما أنس خوها تشوكا وطاح على راكايبو يعيط بأعلى صوتو حتان دارولوا إبرة مهدئة ...... أمها وباباها يبكيوا وراجلها ثاني حتى عجوزتها وبكات ڨدم نبيل هز وليدو يشم في ريحتوا ويبكي غاضتوا فاتن ...... ونادم بزاااف ..... وغايضوا الطفل هذا اللي راح يعيش بلا أم ..... وهكذا خلاصت حكاية فاتن اللي ماتت في عز شبابها بعد ما عانات بزااف نفسيا وجسديا بسبب الزواج المبكر وهاذي حالة وحدة برك وكاين كيفها آلاف الحالات اللي كيفها في الجزائر وفي العالم ......
************************************
جلال : بعثت صورتها ؟! مايكل : إيه جلال : وبعثت لي فوطو لخوها ؟! مايكل : إيه جلال : راهو بدا اللعب الصحيح 😈😈
************************************
وصلت لأمريكا دخلت للدار اللي كراهالها سفيان نحات الصندالة تاعها وراحت دوشت طيبت عشا خفيف كلاتو ولبست بيجاما وڨعدت فوڨ السرير جبدت البيسي تاعها طلعت على يديها وطرطڨت صباعها وبدات تخدم بيه تحوس على معلومات على قاتل والديها ......... !!!
************************************
دخلت عند حسام تبكي تخطف من بلاصتو وراح يجري ليها ڨعدها على الكرسي وڨعد هو على حافة السرير حسام : سارة وشبيييك علااه راكي تبكي ؟!
حسام تنهد : خلاص متبكيش حنا أطباء في النهار يموتوا بزااف في السبيطار نورمالمون راكي متعودة ؟!
سارة : بصح هي صغيرة هي حالة خاصة غاضتني بزاف 😢😢
حط يدو على كتفها يهدي فيها وفي هاذي اللحظة تحل الباب بقوة ناضوا حسام وسارة دخل عينيه حومر عروڨ رڨبتوا بارزين ومزير على يديه راح جهة سارة وضربها بكف من قوتو جات طايحة في الأرض !!!!!
