كرونيك صراع مع القدر (باللهجة الجزائرية)🔥🔥

🌋البارت 38🌋

أولا مبروك علينا الفوز وربي يحفظ اللاعبين تاوعنا فرحونا ولاد بلادنا😎😘😍

ثانيا الكرونيك راهي على مشارف النهاية لذا نتمنى تدعموني وتديروا فوت وتمدولي رايكم في التعليقات  سواءا كان شكر أو نقد راني نتقبلو 😘 وأبعثو اللينك (الرابط) تاع الكرو على الأقل لوحدة من صحباتكم أو المشتركين معاكم وشكرا من القلب❤

     في عمق تفاصيلك وفي بحر رونقك أنا غرقت .... لأقل الحقيقة ولو لمرة واحدة عندما رأيتك نسيت كيف أسبح فغرقت لم يكن لدي طوق نجاة غيرك .....  برائتك جمالك وسحرك لم يخلق مثلهم أبدا ولن يخلق ..... سأظل في بحر حبك غارقا مستنجدا مستغيثا متمتعا إلى الأبد فلا أحد أجبرني أنا من رضيت لنفسي هذا العشق والعذاب ❤💔

************************************

   
     خرج حسام من الخدمة لعشية سقسى على سارة ڨالولو مشفناهاش ڨال بلاك روحت بكري راح للدار ڨارا الطومبيل ودخل
هدى : واش الصحبة لباسووو ؟!
حسام : صفا شريكتي ونتي ؟!
هدى : لباس الحمد لله وشبيك تضحك وحدك هبلاتك سارة آه😉
حسام : هههههههه واش نڨولك شريكتي ماخلات فيا عقل ديجا ندوش نريح شوي ونستيكي روحي ونروح نخرجها نتعشاو برا ليوم
هدى : أيا مليح أطلع تريح وليدي ضك نطيبلك قهوة
بنت خالتو سمعاتو وجهها تڨلب وطلعت مام هيا لشمبرتها

ريح حسام شوية وناض لبس سروال أكحل وتيشرت أكحل ودار ساعة ولينات تاوعو دار شوي ريحة وهز الفاست كوير تاعو وخرج ركب  وديمارا ديراكت لدار سارة ......

كان يعيطلها في الطريڨ مي مكانتش تريبوندي يصوني يصوني ويحبس ستغرب ومنبعد ڨال بالاك تكون راڨدة ولا مسمعاتوش هبط شرالها شوية ورد

وكمل طريڨو وهو يدعي باش يخليها باباها تخرج تتعشى معاه وصل جا يطبطب (يدقدق) في الباب تحل وخرج منو معاذ هاز في يدو صاشية
حسام : حمحم وهدر : آحمم ... واش معاذ صفا ؟!
معاذ قلب وجهو : لباس ونتا ؟!
حسام : لباس
معاذ : آنعم وش تسحق
حسام : باباك راهو هنا
معاذ : لالا
حسام : حبيت برك نستأذن منو باش نخرجو أنا وسارة نتعشاو
معاذ : بصح سارة مكانش راهي في السبيطار راني رايح نديلها العشا
حسام : كيفاااش ؟!..... سارة خرجت العشية من السبيطار كي عدت خارج فتت ليها وملڨيتهاش ديجا ڨالولي من وقت الغدا مشافوهاش أنا حسبتها خلصت خدمتها وخرجت بكري
معاذ : أزرب أزرب نروحو لسبيطار نسقسيو عليها
ركبوا في زوج في طومبيل حسام وديماراو ديراكت للسبيطار وفي الطريڨ معاذ عيط لسوزان وڨاتلو ماهيش عندي

وصلوا للسبيطار معاذ راح يسقسي عليها في الممرضين والأطباء وحسام طلع ديراكت للبيرو تاعها لڨى الصاك تاعها ثما تأكد بلي مروحتش يا صراتلها حاجة في السبيطار وراهي فاقدة الوعي وتطايش في كاش بلاصة يا كاش واحد آذاها غير جاو في بالو هاذو الأفكار تقلق وخاف عليها في نفس الوقت هبط يجري لمعاذ اللي لڨاه مڨلب السبيطار بالعياط بعد ما ڨالولو بلي وقت الظهر شافوها خارجة مع راجل ومن هاذيك مزادوش شافوها 

معاذ : ياربي على الكلبة شكون هذا ال*****  اللي خرجت معاه ووين راهم ضك كون نلڨاهم نقتلهم

حسام حط يدو على كتفو : معاذ هدي روحك وأعرف واش تخرج من فمك راك ڨدام الناس وهاذي ختك وتبعني لبرا نهدر معاك

خرجوا وراحو لبلاصة فارغة طلع حسام يدو ونعتلو الصاك تاع سارة : شوف كون راحت معاه كيما راك تڨول تدي صاكها متخليهش والبيرو تاعها ومصكراتوش راني شاك بلي صراتلها حاجة
معاذ ڨريب يهبل صح موالف يعيط عليها والمرة اللي فاتت ضربها بصح تبقى ختو ويموت عليها وميقبل حتى واحد يضرها بدا يستغفر حتان هدى ومبعد جبد التيليفون عيطلها وثم كانت الصدمة باسكو سمعو التيليفون تاعها يصوني كي دارو لڨاوه يطايش في لرض راحو يجريو زادو لڨاو البراصلي تاعها ثم تأكدو بلي ماهيش بخير ..... !!!

************************************

      حلت عينيها راسها يوجع ڨريب يطرطڨ شافت منا ومنا لڨات روحها في شمبرة حيوطها والأرض تاعها بالسيمة وكاين باب أكحل تاع حديد مغلوق وفرغانة مافيها والو حتى التاقة ومفيهاش

شوية وتحل الباب دخل جلال ومعاه زوج رجال طوال وعراض يخوفو لابسين كلش أكحل
جلال : الڨطة مرحبا بيك عندنا هههههههه اليوم نضيفوك بصح من غدوا وجدي روحك لازم نتهلاو فيك مليح راكي بنت الغالي ومرت الغالي هههههههه خرج وهو يضحك
ضمت رجليها لصدرها وڨعدت تبكي ماهي فاهمة والو وراسها مزال يوجع فيها💔💔

#بقلم : عائشة #