سلام البنات آن شاء الله تكونو بخير راح نسرع شوية في الكرونيك باش نزرب نكملها باسكو عندي ظروف لازم نغلق الواتباد في أقرب وقت💔 ومحبيتش نغلقوا قبل منكملهالكم سمحولي😞
راح نكشف سر آخر في الحلقة هاذي😘😎
دخل حسام لشمبرتو دوش وريح ساعتين وعاود ناض بدل قشو شرب قهوة وراح ديراكت للسبيطار مع دخل وصلت طومبيل تمشي بأقصى سرعة لدرجة انها كي فرانات ڨدام باب السبيطار دارت صوت عالي ومزعج وطيرت الغبار ..... كامل اللي كانوا ثما شافوا فيها وحسام منهم ..... خرج منها بكل هيبة وأناقة كتافو العراض ..... عينيه الرمادية اللي يلمعوا من بعيد كي تعكس عليهم ضو الشمس ...... طولو الفارع وشعرو الأسود ..... راح يجري حل الباب الخلفي هز سارة بين يديه وراح يجري مدخلها للسبيطار تحت أنظار حسام اللي ڨعد واقف ويابس في بلاصتو من الصدمة مفهم والو ......
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
_______________________________
عند سوزان وياسمين كانوا في السبيطار حتى هوما جاو يسقسيوا على سارة كي لڨاو بلي مابان عليها والو عيطوا لإسلام يجي يوصلهم للدار وڨعدوا يستناو فيه
________________________________
جات روان وأحمد يجريو عيطوا لحسام باش فاق من الصدمة دزهم وراح يجري وصل لڨاهم دخلوا سارة لغرفة العمليات ..... راح لبس وعقم روحو ودخل لڨاهم بداو ديجا تقدم منهم وبدا يعاون فيهم مالڨري حاولو يمنعوه (خاطر هي تقربلو ممنوع الطبيب يحضر عملية واحد يقربلو) بصح مقدرولوش إستسلموا وخلاوه يكمل معاهم ..... كان يحس بكمية خووف كبيييرة وفرحة ثاني .... فرحة لأنها رجعتلو😍 .... وخوف من فقدانها بعد مارجعت😞 ......
بعد ساعتين كانوا حبسوا النزيف وخرجوها من العملية ..... خرج حسام وهو حاكملها يدها العرق يصب من جبهتوا متبسم بسمة كبيييرة تدل على فرحتوا العارمة 😍😍 ...... جاو يجريو ليها أمها ... باباها ... معاذ ... سوزان ... ياسمين ... إسلام ... سيف(صاحب محمد) والبطل اللي كانت هذي المرة الثانية اللي ينقذها من الموت "إيهاب" ( شفيتوا عليه😕هذاك اللي سلك سارة من الرصاصة كيما كانوا في الغابة)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
داوها لغرفتها دخلوا كامل ليها شافوها وخرجوا لڨاوها مزالت مفطنتش من التخدير بغير حسام اللي ڨعد معاها حاكم يدها الصغيرة بين يديه ويمسح على شعرها وعلى وجهها اللي فيه بلايص منفوخين و زورق من آثار الضرب اللي داتو عينيه تغرغروا بالدموع غاضتو بزاااف زير على دبزتو يتحلف في اللي دارولها هكذا 😠
______________________________
خرجوا عايلتها من عندها ودارو لإيهاب
عبدو (أب سارة): يعطيك الصحة يابني سلكتلي بنتي من الموت كون تطلب عينيا نعطيهملك
معاذ كان واقف منهيه ويشوف فيه مرتاحلوش نهائيا ملي شافو باينة وراه حكاية اللولة كيفاه عرف بلاصة سارة وأنقذها بينما هو وحسام وباباه ولابوليس ملي تخطفت وهوما يحوسوا عليها وملڨاوهاش والثانية والأهم هو وين يعرف سارة أصلا مستحيل تكون صدفة
