كرونيك صراع مع القدر (باللهجة الجزائرية)🔥🔥

البارت 10

- اليوم إنه يوم جميل تتسابق فيه الطيور في أول الصبح تعزف مقطوعات جميلة معلنة عن بداية يوم جديد ... أمل جديد ... فرصة جديدة ...لحياة أجمل ...

- لا يوجد يوم جميل يا صديقي كل الأيام سواء تمر دون فائدة ملل ... روتين و ..... أشياء إعتدنا أن نفعلها كل يوم لا يوجد شيء مميز وجميل لا يوجد أمل ..... نحن فقط نغرق في بحر الأحزان نتصارع مع الخيبات نحاول البقاء على قيد الحياة فقط .نحاول .... أن ننسى أحزاننا لننجو بأقل الخسائر 💔

################################

صوفيا تشوكات ومبعد صوطات عليها تحضنتها : رحيقوووووو

رحيق : آي صوفي وشراكيي؟!😻

صوفيا : لاباس الحمد لله ونتي ؟!

رحيق : صافا الحمد لله غير الخير كيفاه حتان هبطتي لدزاير ؟!

صوفيا : والله غير عندي خدمة برك
ڨاطعتهم جدة رحيق وهي داخلة وتعيط : آرفيق بنتي أجري ليا عضني الكلب تاع نعناعة تهاوشت معاها على الطبسي اللي بعثتلها فيه الڨاطو كي زدتي نتي و ما ڨلباتوليش مالا طلڨت عليا الكلب تاعها عضني التابعة بنت الكلب النعية الله يجيبهالها في راسها إن شاء الله يعطيها ضربة ما تنوضش منها يا ربي 😡

طرطڨت صوفيا و رحيق بالضحك 😂😂😂😂😂
رحيق : صوفيا هاي نانا أمانة عندك دقيقة نشوفلها طبيب ونجي

صوفيا: معليش روحي متهنية راني معاها

راحت صوفيا تشوفلها كاش طبيب يداويلها يدها كان عندها جرح خفيف برك

^^^^^^^^^^^^^^^^^^^^^^^^^^^^^^^^

خرج إسلام وبدا يعيط على ياسمين باش تزرب طولت عليه بزااف هبطت ياسمين تجري في الدروج وتلبس في الصوندال تاعها بيد وهازة الصاك بيد وتسب في إسلام لحڨت لتحت ركبت وڨاعدة تعدل في خمارها
ياسمين : وشبيك نتا صباح ربي شفتني في المنام لاه تنوض فيا وجايبني نجري متخليوش العبد حتى يرڨد في النوم ومتقيلوهش 😒

إسلام : نينينيني نيني ( يعاند فيها زعما 😂) ياي وش تهدري تڨول بلعتي كاسيت المهم راهي 11 نوصلك توال سوزا تڨعدي عندها شوية ومبعد تڨوليلها نروحو نتغداو لازم تقنعيها وأنا ندير روحي جيت فايت من ثم نحبس باش نوصلكم تركبي وتركبيها معاك وفمك مغلوق مكان لاه الهدرة الزايدة وكي نوصلو لريستورون أفهمي روحك ديري سبة وروحي وخلينا وحدنا عندي هدرة معاها متوليش أضربيها ساعة ولا زوج تفاهمنا ؟!

ياسمين : سوزا ولينا ندلعو ثاني 😏😏
وزيد لاه أنا الخدامة اللي جابهالك باباك منروحش وخلينا من التمثيلية الراشية هاذي

إسلام : نتي لسانك طول منك يا كلبة علابالي بيك غير تاع مصالح ديري واش قتلك وأحكمي لسانك عندك ضك لعشية نديك تديري شوبينغ ونشريلك واش تحبي من عندي ونزيد نشريلك الشيكولا اللي تحبيها