بالنسبة للنشر مانيش ننشر باسكو الدعم مكانش طوووول بغير حبوباتي اللي دايمن يشجعوني نحبكم😘❤ اللي راهم يقراو ويرحو ديرو فوت وناقشوني شوي في التعليقات حاسة كي شغل راني نكتب لروحي بزاااف اللي يقراو وميديروش فوت😒😒😒😒😒😒😒😒
أين أنت حبيبتي ؟! بحثت عندك في كل مكان ولم أجدك ؟! أو تعلمين كم أخشى فقدانك ؟! أخاف عليك حتى من نسمات الرياح .....!!!! حقيقة لم أعد أعرف طريقي .... أنا تائه ..... أنا مبعثر .... أنا محطم ..... أنا لاشيء بدونك ...!! أرجوك عودي إلي في أقرب وقت .....
راح حسام ومعاذ باش يشوفوا الكاميرات تاع السبيطار مخلاوهمش الأمن عيطوا لابوليس كي جاو دخلوا معاهم شافوا الكاميرات وشافوا وجه الراجل اللي خرجت معاه سارة ومزادتش رجعت بداو يحوسوا عليه أما حسام ومعاذ مستناوش لابوليس طلعوا في طومبيل حسام وراحو يحوسوا وحدهم
_______________________________
لبست سوزان قشها وهبطت رايحة لدار سارة وفي نفس الوقت كانت تعيطلها في التيليفون مي كان طافي وصلت للدار طبطبت (دقدقت) مخرجلها حتى واحد زادت طبطبت وستنات ربع ساعة كيف كيف مخرجولهاش عيطت لمعاذ مهزش عليها ولات راحت شرات قش وحدها (قش للعرس والجهاز) وروحت طول رڨدت باش كي تنوض تعاود تروح لبيت سارة باش تشوف وشبيها ... !!!
_______________________________
عند سارة رجع ليها جلال اليوم الثاني لڨاها في حالة من الضرب اللي داتو ...💔 ڨعد في الكرسي جلال : الڨطة نوضي مزلت مكملتلكش الحكاية التشويق كامل اليوم هههههههههه
سارة ڨعدت وهي تتوجع من الضرب ومانطڨت حتى كلمة تستنى فيه يكمل الحكاية باش تعرف علاه خطفها وهي متعرفوش وجامي شافتو
جلال : فاتو عوام وتقطع الإتصال بين هذاك الجون وصحابو كبر وخدم وتزوج بوحدة تعرف عليها وجاب زوج ولاد سيف وصوفيا وطلع لكندا عاش ثما وبدل مام النقمة تاعو كبر سيف وولا يخدم مع باباه أكيد أعمال غير قانونية هههههههه في مرة دزو باباه لدزاير في مهمة تهريب للمخدرات مي الجيش حاصروه أيا طلڨ عليهم قنبلة ماتوا كامل غير واحد فيهم كان بعيد شوي عليهم هز سلاحو وضرب سيف برصاصة جات في قلبو مات ثم وطاحت من عينو دمعة هذا اللي قتل سيف هو نفسو حسام خطيبك شهقت سارة وطاحوا دموعها ..... أصبري نكملك وتعرفي حسام شكون حسام ولد سليم اللي قتلتو أنا جلال باسكو كنت نحب هدى مرتو وعبدو هو باباك ههههههه سارة تشوكات مقدرتش حتى تهدر
______________________________
عند صوفيا كانت ڨاعدة هي وسفيان جابتلو وش قدرت تسرق لجلال من دوصيات اللي يثبتوا أنو يتاجر بالأسلحة والمخدرات وحتى الأعضاء في هذاك الوقت جا عندهم يوسف وطلب السماح من سفيان وقرر يعاونهم باش يطيحوا جلال
جات صوفيا رايحة عيطلها سفيان حبست ودارت ليه قرب ليها وهز يديه طلعلها شعرها ڨالها أحكميه حكماتو وڨاتلو : وش كاين ؟!.لا.... مكملتش هدرتها وڨطعهالها كي حط صبعوا على شواربها وڨالها : هششششش تبكمت هي مقدرت تهدر حتى كلمة تاهت في عينيه اما هو راح من وراها جبد سنسلة ذهب ولبسهالها حست بأنفاسو في رڨبتها جمدت مقدرتش تتحرك وهو بعد عليها وڨالها : هاذي متنحيهاش نهائيا منقدروش نتوقعوا باباك وش يدير كون يفيقلك هاذ السنسلة فيها جهاز تعقب صوفيا : أوكي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
