وفي عينيك بريق يسجنني فيهما حينما أنظر إليك مطولا بعشق ❤
ناض الصباح يتكسل حس بثقل على صدرو هبط عينيه لڨاها راڨدة على صدرو وشعرها الأصفر مغطي وجهها تبسم وبدا ينحيلها في شعرها بيديه ويمسح على خدودها ..... بدات تتململ وهو يهبل فيها ويبوس فيها من وجهها ويقرصها من نيفها باش يضحك على الحركات اللي تديرهم حتان ناضت شافت فيه ثواني وعيطت ڨلبها تحتو وصكرلها فمها بيدو
إسلام : وشبيه جدك تعيطي على الصباح شفتي جان ڨدامك ؟؟
سوزان : آه إسلام وش راك تدير هنا ؟! ووين رانا ؟؟ وش رانا نديروا ؟!
طرطڨ بالضحك عليها وڨال : راني هنا باسكو أنا راجلك نسيتي عمري بلي تزوجنا لبارح ورانا في دارنا والسؤال اللخر لازملو إجابة تجريبية ماشي بالهدرة ضك نعاودلك وش كنا نديروا هبط عليها باسها من شواربها وهي طرطڨت بالضحك وخلاص خبطوا الباب في وجهي خنوفتي ڨريب تكسرت ڨالولي بركاي من التقرعيج😂😂
************************************
كانوا راڨدين وحد الرڨدة تضحك هو نص رجليه في الارض وصدرو فوق السرير وهي وهي حاطة يد على وجهو دورة وتهزها وتخبطوا للوجه بلا ما تفيق وهو يبعدلها يدها ويكمل يرڨد عادي😂 واليد الأخرى مكسلتها من هيه ورجليها مطلعتهم مع الحيط حاكمة السرير كامل وحدها ..... ناض بلا مايفيق طلع للسرير ودزها باش يكمل رڨدتو عدلت هي ثاني روحها وفتحوا عينيهم في نفس الوقت ويعيطوا فرد عيطة
حسام : أععععع شكون نتي ؟!
سارة : أععععع وش جابك لشمبرتي ؟؟
شافوا في بعضاهم شوية ويطرطڨوا بالضحك سارة مالڨري باهية وعينيها خوضر وزينة بصح شعرها حلفة 😂 كان طالع للسما عليها حسام تخلع مسكين😂😂 وهي كي ناضت من النوم دايخة معرفاتوش أصلا
قرب حسام ليها وباسها من جبهتها ❤ : صباح الورد حبي
سارة : صباح النور حبيبي💜
حسام : كيفاش صبحتي ؟! لباس ؟!
حشمت سارة وهبطت راسها : لباس الحمد لله
ضحك حسام وهزها حطها في حجرو : مزلتي تحشمي برك السنة نحيلك الحشمة هاذي
سارة :😳😳😳😳
***********************************
عند روان كانت في السبيطار تداوي في وحد المريض مع تخرج حست بيد جبدتها تخبطت في صدرو وحطت يديها عليه
روان : أحمد أحشم رانا في السبيطار كشمن يشوفنا
أحمد : علاه أنا وش درت وديجا مرتي يشوفوا على رواحهم
روان : بصح ماقلنا لحتى واحد ومازلنا عندنا غير سمانة ملي تزوجنا
أحمد : صح عندك الحق مالا أرواحي شبك يدو مع يدها وجرها وراه وهي تعيط عليه أحمد يامهبول وش راك تدير .... أطلڨني
وصل لنص السبيطار وبدا يعيط يا جماعة آوو شوفوا معايا دقيقة حبسوا كامل اللي يخدموا معاهم وشافوا فيهم مستغربين
أحمد : باركولنا تزوجنا عندنا سمانة وأسمحولنا معرضناكمش باسكو مدرناش عرس بابا مات عندو شهر الله غالب
جاو كامل يباركولهم وفرحولهم بزااف ووعدوهم غير يستقروا مليح يديرولهم عشا ويعرضوهم بعد ما تفرڨوا ڨعدت غير روان وأحمد
روان طلعت باستو من خدو : نحبك يا أغلى ما أملك
أحمد : نعشق في التراب اللي تمشي عليه رواني ❤
(علابالكم جيت نكتب رواني كتبت روانب 😂😂 خربت المقطع تاع الرومنسية ڨتلكم انا غير تاع ضرب وعنف وصقلة مانيش تاع رومنسية😂💔)
************************************
عند جلال كان وصل لكندا ويوسف وصل قبلو بساعتين راح جلال من طريق مهجور باش يتفادى المشاكل قرر يڨعد في دارو اللي في الغابة يامات حتان يستقر الوضع ويتأكد بلي واحد ماتبعوا باش يرجع للفيلا تاعو بصح مكانش علابالو بلي مهما هرب من أفعالو وجرائمو راح يطيح في الشر اللي دارو في الناس ..... كانت رحيق متبعاتو من المطار بصح بلا ما يفيقلها مع وصل لدارو وهبط هبطت وراه صوبت سلاحها عليه وعيطت بأعلى صوتها "جلاااااال" حتان الطيور اللي كانوا فوڨ الشجر طارو وتعاود صدى صوتها في الغابة ...... دار وراه بالعرض البطيء وتشوكا كي شافها آخر شخص كان متوقع يلڨاه ڨدامو
رحيق : جيت لموتك برجليك ياجلال نتا السبة في اليتم تاعي نتا السبة في كل دمعة طاحت من عيني نتا السبة في كل ذرة ألم كانت تقطع فيا كل يوم في حياتي مستحيل نسامحك اليوم يا أنا يا نتا بصح كون متأكد بلي نقتلك حتى ولو نموت معاك
جلال : ههههههههههه متوثقيش بروحك بزاف علابالك بلي نفرح ونستمتع كي نشوف الوجع والخوف في عينين الناس كيما حالتك ضك وكيما حالة والديك قبل مايموتو على يدي هههههههههه
ثم كانت القطرة التي أفاضت الكأس هاجت رحيق بكل معنى الكلمة .... وبدات تضرب بالرصاص وهو هرب يجري داخل لدارو ..... بصح معامن طاح هاذي رحيق وما أدراك لحڨاتو تجري غير دخل وقبل ما يصكر الباب لحڨاتو وخبطت عليه الباب مصوبة عليه السلاح بيد واليد الأخرى جبدت بيها التيليفون كانت كاتبة ميساج وموجداتو ليوسف عاودت قراتو خفافي تبسمت وطاحت دمعة من عينها وبعثاتو
"حبيبي يوسف علبالي بلي ضك راك حال فمك ومشرع عينيك وحاير من الكلمة هاذي هههههه بصح صدقني غير نحبك ونموت عليك حتى كي كنت نڨولك نحب محمد إكتشفت بلي جامي كانوا عندي مشاعر إتجاهو صح كنت نحبو بصح كي خويا أصلا عمري ماحبيت واحد غيرك بالاك الشعور بالوحدة اللي كنت نحس بيه خلاني نتعلق بالناس القراب ليا كيما محمد وسفيان ونانا ونخاف من فقدانهم أما الحب فشعور آخر جربتو غير معاك سامحني كي جرحتك بالكلام كنت نكذب عليك برك باش نحميك نحبك ونعشق التراب اللي تمشي عليه أتهلى في روحك حبيبي❤💔 "
عند يوسف كان في طومبيلو ويتبع في رحيق بGPS غير وصلوا الميساج وقراه قلبوا خبط بقوة وحس بإحساس خايب زاد في الفيتاس كثر غير وصل للدار وقرب شوي للباب طرطڨت الدار ورجع هو اللور حتى خبط في الشجرة وفقد وعيو كانت آخر كلماتو "رحييق !!"
#بقلم : عائشة #
سلام حبوباتي بقالنا البارت الجاي هو الأخير في الكرونيك😞 بصح كاينة مفاجأة معاه
هيا أتفاعلوا شوي وعلقوا بين الفقرات راكم ميتين طوول وعيطوا لصحاباتكم يقراو ❤❤💜
أنت تقرأ
كرونيك صراع مع القدر (باللهجة الجزائرية)🔥🔥
Romanceفي حياتنا نخططوا بزاف باش نحققوا أحلامنا وطموحاتنا بصح واحد ما علابالو واش مخبيلنا القدر
