كرونيك صراع مع القدر (باللهجة الجزائرية)🔥🔥

البارت 12

     أحبك ولطالما أحببتك ... في كل أوقاتي في صباحي وفي مسائي .... في ليلي وفي نهاري ... حتى في فجري !!  لطالما كنت موضع إنشغالي وتفكيري .... كنت ومازلت مكاني الجميل الهادئ ... ومتنفسي عندما أختنق من كل البشر ... ومهربي الوحيد ..... أنت دائي ودوائي💜💜💜

ΔΔΔΔΔΔΔΔΔΔΔ

    ناضت صوفيا الصباح لڨات روحها في شمبرتها غمضت عينيها وعاودت حلتهم إيه صح ماهيش غالطة بصح وش جابها لشمبرتها ماهي متفكرة والو بشوية حتان بدات تسترجع في الأحداث آخر حاجة متفكرتها كي كانت في الطومابيل مع مايكل ومن ثم والو ......

  دارت دوش خفيف وبدلت قشها



     خرجت ليوم لازم تكمل مهمتها باش ترجع لكندا في أقرب وقت قادر يعيطلها باباها في أي وقت أكيد باش يسقسي إلا جمعت المعلومات ولا نو ماشي باش يسقسي عليها ضحكت بإستهزاء عند هاذ الفكرة يسقسي عليها شكون هيا أصلا ماهوش مهتم بيها طول همو كامل في الخماج اللي يخدم فيه مخدرات وقتل وتجارة الأعضاء وكلشي خايب يخدموه ....

علابالها بلي باباها يحوس ينتقم من حسام وعلابالها بلي حسام كان يخدم في الجيش وعندو يد في موت هيثم خوها بصح هي وش دخلها فيه صح كانت تشتي خوها بزاف بصح متأكدة بلي خوها هو الغالط و بلي هو مجرم كيفو كيفها كيف باباها وماماها العائلة القاتلة !!

خرجت رايحة لوجهتها لازم تزيد تجمع معلومات ناقصين وتوثقهم بالصور !!

ΔΔΔΔΔΔΔΔΔΔΔΔ

      مع دخلت وبدات تخدم جاتها أول وحدة عندها حفلة ڨصتلها شعرها ودارتلها مايك آب خفيف و راحت دخل عليها إسلام وهي دايرة لهيه تعدل في الحوايح نطڨت :أتفضلي مدام وش نديرلك .

إسلام وهو شاد الضحكة ويرقق في صوتو : حابة نقص من شعري ونخدم ضفاري 😂

دارت سوزا كي إستغربت الصوت وڨعدت باهتة كي شافتو ومن بعد طرطڨت بالضحك ومام هو ڨاعد يضحك معاها

حكملها يدها يجبد فيها وڨالها : اليوم مكانش خدمة اليوم نروحوا نحوسوا شوية

سوزا جبدت يدها بالزربة وبدات ترجف حاولت متبينلوش حالتها مي هو شافها وندم هو سباب هاذ الحالة اللي راهي فيها .....

حب يبدل الجو هاذاك ڨالها :شوفي ماني حاب منك والو برك نكونو أصدقاء عجبتني عقليتك ونتي بنت فاميليا مانيش راح نأذيك ....

سوزا حست بالأمان من هدرتو تبسمت وڨاتلو :أوكي
بصح متزيدش تمسني ولا تحكملي يدي

إسلام : أوكي قابل وضرك هايا نروحوا !! .....

ΔΔΔΔΔΔΔΔΔΔΔΔΔ

   
     كانوا في الطريڨ والسكات كان سايد بيناتهم يتسمع غير صوت أنفاسهم ..... رحيق كانت تخمم في حياتها ومحمد وسارة .... ما فاقت غير بيوسف كي فرانا ..... شافت في الطريڨ لڨات واحد محبس طوموبيلو ويسب باين هو الغالط اللي خرج بلا ما يشوف .....  باسكو يوسف تعرفوا مليح يسوڨ بعقلو .....  هبط يوسف وبدا يتهاوش مع هذاك الراجل بالهدرة برك حتى سبلو أمو ثم يوسف ولا ميشوفش من القلقة و يطيح عليه بالضرب وهو يعيط بهستيرية (تزيد تجبد يمااااااا نقتتتتلك فهمت ....تزيد تسبلي يماااااا ننفيييييك من الدنيا ياااااااا كلب )

هبطت رحيق تجري حكماتو من كتافو وتجبد فيه وتڨلو خليه تعيش وهو لاحياة لمن تنادي ومكمل يضرب فيه ....
دزاتو رحيق بأقصى قوتها حتان ولى للور بڨطع خطوات بصح مزال يدنڨ في هذاك الراجل بغل وحقد كبيير وڨفت ڨدامو وعيطت عليه بأعلى صوتها : يووووسف خلااااااص خلييييه وشبيك ڨريب قتلتو
نطڨ يوسف وهو مزير على سنيه : يستاهل الكلب شكون هو باش يسبلي يما الرخيس مزال حسابو معايا 😡😡

جبداتو رحيق وراحت جابت ڨرعة ماء غسلتلو وجهو ملييح ونحاتلو المفتاح راحت تسوڨ هي و هو ركباتو من الجهة الأخرى ما ڨال حتى كلمة بصح تكالما شوية !!!

ΔΔΔΔΔΔΔΔΔΔΔ

    وصلت رحيق يوسف للدار بعد ماعيطت لسفيان وڨاتلو بلي هي اللي رايحة تخرج غيث و يوسف راهو عيان لازم يروح للدار ڨالها أوكي

هبط يوسف وخبط الباب ودخل تنهدت رحيق و ديمارات ....
راح يوسف طول للشومبرة تاع أمو جبد الشال (الوشاح)تاعها تحضنوا يشم في ريحتها وطاح في الأرض يبكي وغم فمو بالشال تاع مو يكتم في صرخاتو 😢..... دخلت عليه ختو إسراء حتى هي ڨعدت معاه في الأرض تحضناتو وهي تبكي وشهقاتها تزيد .... كل واحد فيهم يواسي في الآخر على الأم اللي فقدوها وهوما مزالو محتاجينها على قرة عينهم وأمهم اللي راحت ومتوليش !!!