عند جلال كان يجري ويلم في حوايجو الأسلحة تاعو والوثائق المهمة دراهمو و شوية من قشو وخرج يجري مخلي وراه الفيلا تاعو ومرتو وأملاكو كامل ....... يخمم غير في روحو بصح حاجة وحدة منساهاش واللي هي بنتو لازم يلڨاها ويديها معاه قبل مايروح لازم تتعاقب على واش دارت ..... نهار طلب من مايكل يروح يشوف الكاميرات جاه الفضول يعرف شكون اللي سرقلوا الوثائق ..... تبعو وشاف كلش قبل ما يمحي مايكل التسجيلات تاع كاميرات المراقبة ..... مقدرش يلوم مايكل باسكو علابالو بلي يحب بنتو وكان يحمي فيها برك ..... بصح بنتو ميقدرش يسامحها على خيانتها ليه ولازمها تتعاقب .....
كان يجري في الغابة وهاز الفاليزة تاعو علبالو بلي كون يروح بطومبيل قادرين يحكموه لابوليس ... سيرتو وإلا كانت صوفيا قدمتلهم الوثائق اللي يثبتوا إدانتو وجرائمو ..... عيط لمايكل باش يتقابلو في وحد الطريڨ فارغ وثم كان موجدلو مايكل بيريك وماسك يديرو يبدلو الملامح تاوعو نهائيا ووثائق هوية مزيفة مام ولا حكموهم لابوليس مستحيل يعرفوه .... وصل ثما لڨى مايكل بطوموبيل قديمة يستنى فيه (باش يبعدو الشبهات على رواحهم) بدل قشو ودار البيريك والماسك وراحو ......
************************************
وصلت على 06:30 بدات تطبطب في الباب ......بعد ثواني فتحتلها عجوز كبيرة كي شافتها فرحت العجوز : سارة بنتييي وشراكي ؟! وش الغيبة هذي توحشناك سارة : لباس الحمد لله خالتي ونتي وشراكي ؟؟ العجوز : لباس آبنتي نحمدو ربي سارة : معليش نهدر معاك نتي وعمي علي ؟! العجوز : أكيد آبنتي تفضلي مرحبا بيك سارة : يعيشك خالتي
بعد مدة ڨاعدة فوڨ الفوتاي مڨابتلهم هوما يشوفوا فيها وهي تشوف فيهم بسيف باش نطقت سارة : في الصح راني حاشمة منكم ملقيت كيفاه نقلهالكم العجوز وراجلها علي : تفضلي بنتي متحشمين منا رانا في مقام والديك سارة : ربي يفضلكم جيت نقلكم بلي اليوم عرسي هو علابالي بلي نورمالمو منجيش ليكم بصح مقدرتش ڨعد ضميري يأنب فيا قلت لازم نخبركم أنا مكنتش ناوية نتزوج بعدو بصح ثم ثم جا كلشي بزربة جا يخدم معايا ... تعرفت عليه ... وقف معايا شحال من خطرة ... صرالنا مشكل وضطرينا نتزوجوا ... ومن بعد .... (فترة صمت طوييلة) .... من بعد كتاشفت بلي حبيتو معلاباليش كيفاش حبيتوا بصح مهما كان أعرفوا بلي جامي نسيت محمد ولا حبيت واحد ڨد ماحبيتوا هو 😢😢
سكتوا مدة طويلة ومنبعد فاجئوها كي ناضوا في زوج تحضنوها وباركولها وفهموها بلي ماهمش زعفانين منها بلعكس فرحولها كي قدرت تتجاوز الحزن تاعها وبدات حياتها من جديد (معلبالهمش بلي عيشوش قادة تعاود تحزنها في ثانية😈😈😂) تحضنتهم هيا ثاني وودعتهم ورجعت لدارها
#بقلم : عائشة.#
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
