غطات سوزا وسلمتلها على راسها هزت صاكها وتيليفونها وهبطت تجري ركبت في طومبيلها وديمارات للسبيطار حارڨة الطريڨ وغافلة على الطومبيل اللي تتبع فيها .....
مكسل في سريرو ماهو فايق لوالو جسمو كامل يرعش بطريقة هستيرية حتى السرير وتهز مع جسمو ودايرين بيه الفراملة يحاولو يهديوه ....
وصلت هبطت تجري للشومبرة تاع حسام طلعت على يديها وبدات تشوف فيه دارت الضو وشافتلو ردة فعل عينيه على الضو وهو مازال يرجف سارة بالعياط : جيبيلي إبرة مهدئة أزربييييييي الفرملية : تفضلي دكتورة 💉 ضربتهالو حتى بدا يترخف بشويا ورڨد ساحت دمعة من عينيها ومن دمعة ولات دموع حطت يدها على شعرو وبدات تمسحلو عليه بالشوية شافت فيه لڨات وجهو أصفر وشيان بزاف ولي سارن تحت عينيه شفلها بزاااف ..... عيطت للفرملية ووصاتها عليه وخرجت تمشي تايهة علاه خافت عليه ؟! وعلاه حست بلي ڨلبها بغى يحبس كي سمعت بلي جاتو كريز ؟! علاه راهي تبكي عليه ؟!!!!!! كانت غافلة على العينين اللي يتبعوا فيها !!!!
************************************
وصل عند جلال وڨالو كلش عليها وبلي تبعها من وقت ما ضربوا البرا لحسام باش تجيه كريز حتان خرجت من عندو ونعتلو مام تصاورها اللي كانت تبان فيهم خايفة بزااااف عليه تبسم جلال بخبث : ضك تأكدت من مشاعرها لازم نخليهم يعترفوا بحبهم لبعضاهم 😈
#بقلم : عائشة
بارت خفيف ظريف كتبتوا هذا وين برك وإلا عندكم صحباتكم عيطولهم يقراوها باش تكبر عائلتنا 😘 نحبكم متابعاتي العزيزات ومرسيي على الدعم 😻😻❤❤😘😘
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
