كرونيك صراع مع القدر (باللهجة الجزائرية)🔥🔥

البارت 19

   خرجت من الدار وعيطت لباباها
صوفيا : ألو papa راني طالعة ليوم لكندا كملت المهمة وجمعت كامل المعلومات
جلال : لا متجيش أنا اللي راني جاي
صوفيا : علاه تجي ؟!
جلال : راني ناوي نستقر في دزاير وكي نجي نفهمك متتقلقيش
صوفيا :أوكي كي تلحڨوا عيطلي نجي ليكم للمطار وجيبولي حوايجي معاكم
جلال : أيا منبعد نتلاقاو
صوفيا دارت لمايكل : سمعت وش قال ؟!
مايكل : إيه سمعتو
صوفيا : يا درا على واش راهو ناوي
مايكل : معرف بصح باينة رايح يشعلها كي يجي
صوفيا : إيه ربي يستر المجي تاعو ماهوش تاع خير

************************************

    
     بعد ساعات فطن حسام يشوف في الدنيا كامل مضببة غمض عينيه وعاود حلهم يحس في ضهرو رايح يتڨسم ..... وجسمو تاعب بزاف ..... راسو راح يطرطڨ بالسطر (الوجع) ......
   
     دار يشوف لڨى سارة تتبسم معاه وتمسحلو على شعرو .... تبسم معاها حس كامل هذاك الوجع راح كي شاف وجهها وتبسيمتها اللي يعشقها .....  إيه يحبها هذا وين فاق بلي يحبها  .......في اللحظة اللي كان رايح يفقد حياتو عرف قيمتها

سارة : الحمد لله على سلامتك خوفتنا عليك
حسام بصوت متقطع وخفيف : يس..لمك

************************************

     دخلت سوزا وياسمين لدارهم
ياسمين : أدخلي سوزا متحشميش
سوزا : ههههه شكون ڨالك راني حاشمة
ياسمين : وجه التبهديل 😒

ڨعدوا في الصالو شوية وجات أم ياسمين
نبيلة : مرحبا بيك بنتي نورتي الدار
سوزا حشمت : يسلمك خالتي

شوي وسمعوا الباب تاع الدار تحل ودخل إسلام يغني (آلو ڨاتلي أنساني راڨدة وڨلبها هاني آلو ڨاتلي نساني راڨدة وڨلبها هاني .... أنايا ڨلبي مهرس وهي دايرة بيلو وترڨص رورورو وووووو يماااااا واش درتي للغداااااا 💃💃🎶🎶 😂😂) ودخل للصالو لڨاهم طايحين عليه بالضحك
ياسمين : بالشوي على الغنية تاع الناس
سوزا : 😂😂😂😂😂😂😂
نبيلة :😂😂 أمشي أمشي ڨدامي نحطلك تتغدا راك بهدلتنا ڨدام الضياف

تغداو وخلصو وسوزا ناضت وتبدا ياسمين تهدر 😪
ياسمين : ياااااا راكي مروحة علاه يعني مڨعدتيش طول هذا وين تغديتي الماكلة مزالت مهبطتش ديجا علاش تروحي وش عندك تديري يخي غير تڨعدي في داركم مكرهتيش منها الصح يعني أنا كرهت من دارنا كاشي نهار نهرب

سوزا : خلااااااااااااص بلعي كسرتيلي راسي رايحة نغسل يديا ونجي منيش مروحة
ياسمين : آه ڨولي من ڨبيل لاه خليتيني ننفعل
سوزا :😒😒😒
راحت سوزا تغسل يديها وهي في الطريڨ حست بيد جبدتها جات تعيط حكملها فمها ودخلها للكوزينة
دزها على الحيط وحاصرها بيديه
إسلام : مالا كنتي تضحكي عليا آه ؟!!!
سوزان هبطت راسها وخدودها حمارو وڨعدت ساكتة إسلام هزلها راسها : أهدري ولا كلالك الڨط لسانك
سوزا حمحمت : إسلام خليني نروح
إسلام : ههههههه خوافة روحي بصح من بعد نعيطلك نشايخوا وغمزها
سوزا ضحكت وراحت تجري !!!

************************************

    هدى رايحة وجاية في الدار هازة تيليفونها وتعيط لحسام بصح والو من الصباح ماهوش يريبوندي عليها حاسة بحاجة خانقتها ماهيش قادرة تتنفس مليح ڨعدت غير تستغفر وتعاود حتى حبست طومبيل ڨدام دارها وهبط منها .........