رجعت سارة للدار لڨاتها مڨلبة كامل يحوسوا عليها ضحكت على حالتهم وڨاتلهم رحت عند وحدة صحبتي عرضتها باسكو نسيت نعرضها من قبل ....
بداو يوجدوا لبيت العريس باش يجيو يديوها وكل واحد يخدم في حاجة .... وحدة تدي ووحدة تجيب .......وحدة تعاون في العروس .... وحدة تقيس في الروبات باش تخير وش تلبس والأخرى تسشور في شعرها .... والباقي يوجدوا في رواحهم باش يروحوا معاها للحفافة .... والحس تاع الولاد ..... وريحة البربوشة والشربة تتشم من بعيييد واللي جي عاڨب يدخلوه يتغدى تلموا الحباب والجيران باش يفرحوا مع سرسورة في عرسها المهم جو يطربڨ ماتلڨاوه غير في الأعراس الجزائرية 😘❤
نروحوا عند سوزا اللي كانوا الأجواء عندها مماثلة لعرس سارة برك هي جابولها الحفافة للدار باش ماتتعبش بزاف وثاني فرحتها ماكملتش بغياب باباها تاج راسها💔 .... المهم حاولت أمها تعوضها ڨد ماتقدر باش تفرح كي نتاجاتها وما تحس لا بغياب باباها ولا بالشي اللي صرالها في صغرها .... أم سوزان كانت مثال للأم الجزائرية الطموحة المضحية على جال فرحة ولادها .... كانت ثاني الأم المتفهمة اللي تفهمت حالة بنتها وماحطتش اللوم عليها كمعظم الأمهات بالعكس إحتواتها ووقفت معاها وشجعتها ووصلت حتى تهاوشها على جال مصلحتها باش توقف من جديد ومتدفنش روحها في الحياة وحاولت تفهمها بلي الغلطة ماشي تاعها وهي ماهيش مذنبة .... اليوم فرحتها كبيييرة كي شافت بنتها عروسة ورايحة تتزوج وهي اللي كانت حاسبة بلي عمرها ماتتزوج وتڨعد ضحكة في فم اللي يسوا واللي مايسواش هي تعرف مليح بلي الناس ماترحمش وبلي المجتمع تاعنا قاسي وماهوش متفهم وحتى اللي مايجيبلهاش ربي مكتوب تتعاير وتلقب ب" البايرة" قربت من بنتها وهي تشوف فيها عروس بأبهى حلتها سلمتلها على راسها وطاحت دمعة من عينها دمعة أم عانات وتحرقت على بنتها اللي قتلوها في صغرها ودفنوها في حياتها .... دمعة أم كانت تخبى أحزانها ودموعها غير باش بنتها ما تحزنش وماتحسش روحها مذنبة دمعة أم مناظلة صبرت وضك نالت جزاء صبرها (بكيتكم آه .... نعرف نعبر😎😂 ياودي انا وحايرة في روحي منين خرجوا هاذم الكلمات كامل جابلي ربي الافكار اللي يجيو عند الدونتيست قوة 😂 راني عند الدونتيست ونكتبلكم في البارت باش كي نروح نبارطاجيه😂 )
***********************
ڨاعدة وتعيط لرحيق بصح كي العادة متردش عليها عندها سمانة وهي متردش طلعت راسها شافت في يوسف اللي ڨاعد مڨابلها وتنهدت
نانات (جدة) رحيق :يابني ربي يعيشك عيطلها نتا بالاك تهز عليك راه قلبي تحرق عليها
يوسف : نانا عيطتلها بصح تليفونها مصكر
ناناها : يارب أسترها ياربي رجعهالي سالمة هذاك واش ڨعدلي معنديش غيرها
يوسف : آميين
💜البارت 50💜
أنت تقرأ
كرونيك صراع مع القدر (باللهجة الجزائرية)🔥🔥
Roman d'amourفي حياتنا نخططوا بزاف باش نحققوا أحلامنا وطموحاتنا بصح واحد ما علابالو واش مخبيلنا القدر
