حبست سارة ودارت ليه : شوف نزيد نلڨاك تدور بسوزا نقتلك أخطيها وإسمها ميزيدش يتذكر من فمك فهمممممت ؟؟😠
إسلام : أصبري دقيقة صح أنا غلطت وراني ڨلتها مانيش رايح نكذب عليك بصح الله غالب طيش الصغر وغواني الشيطان ..... وراني حاب نصلح غلطتي والله ماني رايح نلعب بيها غير تقبل برك هيا ونتزوجها وأنا قتلك نتي باش تعاونيني وتقنعيها باش تقبل بيا
سارة : وشبيك هبلت تحوس نخبي على سوزا ومنحكيلهاش وزيد من فوڨ نقنعها باش تتزوج بمغتصبها ؟!!!!!
إسلام : تعيشي على جالها يخي صحبتك وتشتيها ماكيش حابتها تتزوج وتدير دار وولاد وتتهنى في حياتها ؟ مالا متڨوليلها والو ضرك ونوعدك بلي غير نتزوجوا نڨلها أنا
سارة : ما علاباليش حتان نخمم !!
إسلام : أوكي أدي وقتك بصح خمي في مصلحة سوزا هي الأولى وقنعيها باش تحكيلي
سارة دارتلوا إيه براسها وراحت تشوف سوزا
************************************
دخلت رحيق للمقر وراحت تمشي حتى وصلت للبيرو تاع الجنرال سفيان ...... طبطبت على الباب سمعاتو ڨلها أدخلي دخلت ...... دارت التحية العسكرية ........
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سفيان : أڨعدي رحيق
ڨعدت رحيق وقالت : أنعم حضارات عيطتلي ؟!
سفيان : إيه عندك مهمة جديدة وصعيبة بصح هاذ المرة مانيش رايح نبعث معاك يوسف راح تروحي وحدك !!!
رحيق : أوكي حضارات ووشنهي هي ؟!
حمحم سفيان وهدر : المهمة هاذي حساسة شوية وبعثتك نتي باسكو تخصك بصح راني خايف عليك ومنك في نفس الوقت !!
رحيق : مفهمتش ؟!
سفيان : لڨينا خيط يوصلنا لقاتل والديك
تشوكات رحيق و حلت عينيها على الآخر ..... ومقدرت تڨول حتى كلمة تاهت بين ذكرياتها وغرقت فيهم !!!
"قبل 20 سنة "
هابطة من الدروج ....... وتسوطي بين كل درجة ودرجة ...... لابسة سروال أحمر ومام البيستي تاعها كان أحمر كانت تموت على اللون الأحمر ❤......ومدايرة زوج ضفايرات وحدة من جهة والثانية من جهة ...... هازة في يدها البوبية تاعها بعد ما مشطتلها شعرها ولبستلها روبة جديدة ورايحة توريها لأمها وباباها .....
وصلت لتحت تمشي بشوية باش تخلعهم كيما موالفة ... راحت جيهة الصالو وطلت بشوية .... وثم وڨفت يابسة في بلاصتها مقدرت تدير والو ...... شافت أمها طايحة في الأرض غارقة في دمها وزوج رجال ...... واحد فيهم ڨاعد والآخر يمسح في السلاح ...... ويهدروا بكل برودة أعصاب ماهمش شايفين الجثة اللي ڨدامهم ...... ولا حاسين بحجم الكارثة اللي داروها ولات للوراء بشوية ودموعها يسيحوا ويدان راحت تجري بشوية باش توصل لباباها وتڨلوا مع خرجت لjardin شافت 3 رجال لابسين لكحل ووجوههم مغطيين دايرين بباباها ومن بعد هز واحد منهم سلاح وصوبوا لراس باباها وقتلو ...... رجليها ماعادوش حاملينها ولات ترجف وحدها راحت تجري حلت باب صغير وتخبات في هاذيك الشمبرة الصغيرة اللي متبانش ..... كانت متفكرة توصيات باباها اللي كان يڨلها كون تصرالنا أي حاجة ولا يدخل عبد متعرفيهش للدار أتخباي هنا
************************************
سلام حبوباتي توحشتكم بزاف سمحولي خلاصتلي cnx عليها طولت
آرائكم ؟!!!
توقعاتكم ؟!!!
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
