كانوا في الطومبيل تاعهم حسام يحاول ينحي الكتانة الكحلة (قطعة قماش سوداء) من على عينيه وسارة تضرب في ليدو باش مينحيهاش وترجع تسوق
حسام : حبي وين رانا رايحين
سارة : أصبر شوي حسحس رانا قريب نوصلوا
حسام بدا يضرب فيها ويعيط : اليوم نحيلك جدك وش قتلك على حسحس هاذي منحبش نزيد نسمعها آو متفهميش نتي ؟!
سارة ميتة بالضحك عليه وهي تشوف فيه يضرب في الفراغ باسكو وصلوا وڨارات الطومبيل وهو مفاقش ناضت تصفڨ وتعيط كي المهبولة : حسحس .... حسحس .... حسحس 😂😂
وهو زاد تقلق كثر غير جا ينحي من على عينيه ويهبط ليها راحت تجري جيهتو حلت الباب حطت يدها على خدو وسلمت على خدو الآخر : خلاص حبي نتمسخر برك
تخدر هو ومقدر يدير والو حتى حس بيدها تحطت على يدو وشبكت صباعها مع صباعو تنهد تنهيدة طوييلة وتبسم فرحان بيها وراح يتبع فيها بلا مايسقسي وين مدياتو وصلوا حسبت لثلاثة وراحت وراه نحاتلو على عينيه ڨعد حال عينيه مشوكي ومبعد طرطڨ بالضحك على المهبولة اللي عندو لڨى روحو في سطاد (ملعب) صغير ومزين بالبالونات الزرقاء في كل بلاصة وبلاكة كبيييرة زرڨا معلڨة ومكتوب فيها "💙I m here dad💙"
دار ليها هزها وتحضنها وڨعد يدور بيها صوت ضحكاتها يتسمع من بعيد حطها في لرض وجبدها ليه بعد ماحاوط خصرها بيدو هبط راسو بشوية غير جا يبوسها وتجيه ضربة للرڨبة عيط عيطة فريدة زادت جاتو ضربة للفم 😂😂 دار لڨاهم معاذ وإيهاب نطڨوا في نفس الوقت :" ناوي تبوس ختي قدامنا ياكللللب ."
حسام : ياااا الزح راهي مرتي والله غير مرتي مانيش خاطفها ديجا نتوما منين خرجتوا فهموني يرحم والديكم تدخلوا بين اللحم والضفر معاذ وإيهاب : آآآه .... يسما تزعك فينا ماتحشمش اليوم ڨاعدين هنا والله مانا متحركينها
حسام يهدر بشوي : يااااخاه هذيك العاقبة عندي وهاذوك النساب طحت فيهم ديما زهري عاكسني تفكر سارة عرف بلي هي اللي عيطتلهم دار ليها وتخنزر فيها لڨاها ميتة بالضحك عليه غمزاتو وقتلو هوما اللي عاونوني نوجدلك السيربريز علابالك وحدي منقدرش😂😂
