🍒لا إله إلا الله وحده لاشريك له له الملك وله الحمد وهو على كل شيء قدير 🍒
إكتشفت مؤخرا أن الأماكن لم تتغير والزمن لم يتغير هو الآخر الأشخاص هم من يتغيرون كلما كبروا كلما كبر معهم حقدهم وجشعهم وأنانيتهم وجميع صفاتهم السيئة ..... الإنسان لايولد سيئا بل هو من يصنع السوء بنفسه .... !!!
_____________________________
قاعدة على حجرة كبيرة مقابلة البحر وتشوف فيه ........ شعرها يدي فيه الريح ويجيب ....... تايهة في عالم آخر حتان حست بيد تحطت على كتفها ........ دارت لڨاتو سفيان بعدتلو شوية خلاتلو بلاصة باش يڨعد
صوفيا : كيفاه عرفت بلي راني هنا ؟!
سفيان : موالف ديما نجي هنا نحب نريح وحدي اليوم مع وصلت شفتك عرفتك برك 😕
صوفيا : أوكي
سفيان : وين راه ربيبك 😅 يخي دايمن يتبع فيك ؟!
صوفيا : ههههههههه آه قصدك مايكل 😂😂 راهو مع بابا عندهم خدمة اليامات هاذو
سفيان : باينة كشما راهم يخطو
صوفيا : معلاباليش مانيش نڨعد معاهم طول
سفيان حط يدو على كتفها : متخميش ڨريب تتهناي منهم
صوفيا تبسمت معاه بصح ثم ثم تمحات بسمتها ودارت ليه مخلوعة : " بصح مايكل معندو مدخلو كي تحكم بابا متحكمش معاه مايكل هو خاطيه ...."
دارت للبحر تشوف فيه غايسة معاه وتحكي: " ملي كان صغير ماتوا والديه وقبل مايموت باباه وصى عليه بابا باش يتهلى فيه ..... بعد ماماتوا ڨد ڨد طلعنا لكندا وهزيناه معانا كان بزاف صغير وخايف مع ناس ميعرفهمش صح كان يجي توالنا بصح ماشي موالف بينا .... كان يسقسي غير على أمو و باباه .... كي خبرو بابا بلي خلاص راحوا وميزيدوش يرجعوا بايت يبكي مسكين ..... هاذيك الليلة جامي ننساها كيما جربنا نسكتوه مقدرناش بايت يبكي على طول صوتو 💔 ..... ڨعدنا توالو في 4 أنا وماما وبابا وسيف ربي يرحمو حتان طلع النهار باش رڨد .... من هاذيك خلاص بدا يوالف بينا وتربى على يد بابا ..... أكيد هو محبش يخرج هكذا بصح معندو حتى ذنب ملي كان صغير وهو يشوف في الخماج اللي يخدم فيه بابا كيفاه تحبوا يخرج ؟! ..." (مسحت دمعة هبطت على خدها بلا ماتفيق ) حط سفيان يدو على كتفها وجبدها ليه يمسح على شعرها وهي حطت راسها على صدرو مستمتعة بدقات قلبو المتسارعة ❤
************************************ عند سارة 😌
حلت عينيها الصباح لڨات حسام متحضن يدها وراڨد عليها وڨاعد على الكرسي في نفس الوقت (نظن فهمتو) ضحكت عليه وهزت يدها الأخرى تمسح على شعرو فطن مع شافها تبسم ناض تحضنها وغمض عينيه يشم في ريحتها البنينة اللي توحشها بزااف ويستمتع بيها ..... سلم على جبهتها وبعد عليها وهي وجهها كامل ولى أحمر🍓 وزادت تفكرت البوسة تاع البارح ڨعد في كرسيه ساكت ويتأمل فيها وهي مهبطة راسها .... شوية وزدموا عليها عسكر طرباڨ 😂 قصدي معاذ وإيهاب ووراهم زينب وعبدو وسوزان وياسمين وإسلام وروان وأحمد في دقيقة الشمبرة تملات حسام ولى يكفر بلونڨلي 😂 وسارة تضحك عليه ڨدم ليها إيهاب وهي كي شافتو فرحت سارة : إيهاب لباسوووو ؟! إيهاب : لباس سرسورة الحمد لله السوال عليك سارة : سافا الحمد لله بفضل ربي ثم فضلك نتا إيهاب : لالا مدرت والو أنا 😁 زينب راحت تجري ليها تحضتها ..... تبكي وتسلم عليها في كامل وجهها وسارة تحضنتها حتى هي وطرطڨت بالبكي وزادو جاو عبدو ومعاذ وسوزا وروان تحضنوها كااامل وهي زيرت عليهم فرحااانة برجعتها ليهم
(البارت اليوم برعاية تحضني و نتحضنك 😂😂)
بعدوا عليها ونطقت سوزا : هاو عاد عندك خوك واحد آخر 😁😂
سارة علبالي حكالي حسام البارح في الليل 🙈 معاذ وإيهاب شافوا فيه وهزوا يديهم يشاوروا لحسام ونطقوا في نفس الوقت :" يسما نتاااااا بايت مع ختي أنا !!!!! ." شافوا فيهم كااامل وطرطڨوا بالضحك عليهم وحسام ڨاعد يتمتم بين شواربو :" خصني أنا غير هاذم ضرك كان كاين غير واحد ضك زاد خرج لوخر😒😒 . "
📍 صح فطوركم📍
هذا البارت في خاطر lolitaslolit بعد رمضان إن شاء الله ونكملهالكم أتهلاو في رواحكم حبوباتي 😘😘 نحبكم ❤❤
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
