دات سارة فاتن وراحت دارتلها فحص عام على كلش لڨات عندها تسمم الحمل وعڨبتها على طبيب نفسي لڨات عندها مشاكل نفسية منها الإكتئاب 💔 داتها لشمبرة وحدها وخرجت لڨات مها وباباها وراجلها وعجوزتها وخوها يستناو جراو ليها تنهدت ومن بعد هدرت : "مزالت متولدش ضرك بالاك غدوا بالاك بعد يامات ماعلاباليش ضك تزيد تشوفها أخصائية النساء والتوليد بصح عموما حالتها ماهيش مليحة مزالت صغيرة جسمها مقدرش يتحمل الحمل للأسف أدعيولها وخلاص ."
تشوكاو كامل مها ناضت تبكي وباباها ثاني خوها حكم راسو بين يديه وعيط : ڨولتلكم متزوجوهااااااااش ڨلتلكم بصح نتوما متفهموووووش !!
هبطوا والديه ريسانهم وهوما يبكيوا حاسين بالندم مهما كان هوما السبب في الحالة اللي وصلت ليها بنتهم ...... ڨدمت عجوزها توال سارة وهدرت :" والطفل راح يكون بخير ؟!"
شافت فيها سارة من الفوڨ للتحت : ماعلاباليش بصح مادام صحة الأم ماهيش مليحة أكيد البيبي يتأثر ويعني نتي هاذا وش همك مهماتكش الطفلة صغيرة اللي راهي قادرة تروح في أي دقيقة ؟!
عجوزة فاتن : إيييه ربي يشفيها وش رايحة نديرلها أنا كامل رايحين نموتو !!
نطڨ بنها (راجل فاتن): يماااااا خلااااااص .....ماكيش تشوفي في الحالة اللي رانا فيها .... !!!
