تمشي في الكلوار ومزيرة على يدها وعينيها حومر دم من الدموع اللي حبستهم ..... كامل يشوفوا فيها وخايفين من مظهرها ديجا هي من بكري باردة متبكي متضحك كامل اللي يخدموا معاها يهابوا منها (يخافوا منها ) عكس يوسف اللي مداصرهم ودايمن يضكك معاهم ...... راحت ديراكت متجاهلة نظراتهم ودخلت للتوالات (حشاكم) .... شافت روحها في المري وتفكرت وش ڨالها سفيان ....
Flach bach
بعد ما غاست في ذكرياتها فطنها سفيان من سرحتها
سفيان : رحيق وين رحتي ؟!
رحيق : آنعم حضارات راني هنا
سفيان : ركزي معايا كيما علابالك باباك كان عميل في المخابرات كيما نتي وكان يحوس على الراجل هذا باسكو كان تاجر مخدرات مي المشكلة أنو هاذ الراجل ماهوش هنا راهو في أمريكا وين بالضبط معلابالناش وهاذي هي مهمتك نتي تلڨاي بلاصتو بصح متقربيش منو باسكو راهو محمي من طرف وحد العصابة كبيرة بزاف كي تلڨايه نستدرجوه للجزائر وهنا نقدروا نقضيوا عليه فهمتي ؟! رحيق : فهمت حضارات سفيان : تقدري تروحي غدوا الرحلة تاعك لأمريكا
Flach bach end
هزت إيدها خبطت المري بدبزة حتان تجرحت يدها : برحمة والديا غير تطيح بين إيديا نخلص عليك ونقتلك مانستنى لا سفيان ولا غيرو ....!!!
************************************
عند سارة
دخلت لشمبرة حسام لڨاتها مضلمة طول جات رايحة تشعل الضو حتى حست بيد جبدتها
سارة تخدرت من صوتو وقربو ليها : آآآ ..... آحم ..... أنا .... يعني .... أطلڨني ومممن بععد نهدروا
حسام زاد قربها ليه : منطلڨش حتى تجاوبي 😏
سارة هبطت راسها حشمانة : كنت مع سوزا صحبتي راهي مريضة مسكينة
حسام طلڨها : صحا ولاه حمرتي هكذا ؟!
سارة : آه 😳 ..... لالا والو محمرتش .... ديجا راني رايحة تصبح على خير .... باي .... آني رحت .... صحا فطورك ... وراحت تجري
طرطق حسام عليها بالضحك من الحشمة ولات غير تخلط في الهدرة ..... شوي وتنهد مينكرش أنو عشقها بصح هي يادرا تحبو ولا نو ؟!
**,**********************************
دخلت تجري للإسعافات بعد ماخرجت من عند حسام راحت طلت على سوزا لڨاتها راڨدة تنهدت بحرقة مزالت لضك مواجهتهاش معرفت واش تڨولها ..... جات الفرملية عيطتلها ڨاتلها كاين حالة خطيرة ..... مع تدخل ڨابلتها طفلة تتنفس بصعوبة رڨيڨة بزااف ومن كرشها المنفخة باين بلي بالحمل راحت ليها كسلتها على السرير سارة : ختيتو أتنفسي أنا الطبيبة سارة متخافيش راني معاك .... حكمتلها يدها هيا أتنفسي معايا شهييق زفيير ... شهييق زفيير (ههههه تفكرت زيد كيما كانت بتول رايحة تزيد وهو يڨولها شهيق زفير في كرونيك نويتك للحلال 😂😂 بالمناسبة تحية ل chahinez-de ) بشوية حتان بدا تتنفس نورمال سارة مبتسمة : الزينة وسمك ؟!
- إسمي فاتن
سارة : فاتن ڨداه في عمرك ووشمن شهر راكي ؟!
فاتن : عمري 16 سنة وراني في الشهر التاسع
سارة تشوكات : كيفاه 16 سنة متزوجة ورايحة تزيدي (تولدي)
فاتن : إيه تزوجت العام اللي فات كان عندي 15 سنة وديجا حنا عندنا في الدوار ( الريف) هكذا البنات يتزوجوا في هاذ السن نورمال
سارة : صحا معليش وش راهو يوجع فيك
فاتن هبطو دموعها : والله مقدرت كلش يوجع فيا حاسة روحي راح نموت سيرتو كرشي قتلتني مقدرتش طول ملي بدا الحمل وأنا نعاني كل يوم ندعي في ربي يهنيني ...... مكنتش حابة نحمل في هاذ السن أصلا منعرفش نربي منعرف والو بطلوني من القراية على جال الزواج وهو كان كل يوم يسيف عليا حتان هزيت بالحمل 😭
ڨعدت سارة توالها وتطبطبلها على ظهرها تحاول تهديها وتخمم في نفس الوقت وصل الجهل لهذي الدرجة يزوجوا البنات وهوما قاصرات حرام عليهم
