سمعت خطوات يقربوا جمدت في بلاصتها مقدرت تدير والو حتى حست بيد جبدتها وغلقتلها فمها خلاص عرفت بلي نهايتها لحڨت راح تموت بلا متنتقم لوالديها ..... رايحة تلحڨهم وتشوفهم هي أصلا توحشتهم هاذي الحاجة الوحيدة اللي تفرح في الوضع اللي راهي فيه .... عڨب هاذاك الحارس ومشافهمش عقدت حواجبها العبد اللي راه حاكمها موش ناوي يسلمها ليهم كون جا راح يسلمها ميخبيهاش على الحارس بصح لاه سلكها متقدرش تدير فيه لمان .... يمكن هو ثاني ناوي يأذيها .. ؟! غير دورها ليها ونحى يدو بهتت وخرجت منها شهقة بلا متفيق .... عاود غلقلها فمها ودزها على الحيط يوسف : أشششش تحوسي تكشفينا ؟!
رحيق : يوسسف وش راك تدير لهنا ؟!
يوسف : جيت نعاونك رفيق غمزلها 😉وضحك
رحيق ضحكت بسيف عليها 😂والله غير بصحي يوسف لاه جيت بعثك سفيان ؟!
يوسف : نخرجوا منا ومن بعد نفهمك
رحيق : أوكي حكملها يدها وهبط في السكالي يجري فيها جا يخرج من التاقة اللي دخل منها جبداتو ليها وراحت تجري جيهة الكوزينة لقات هذاك اللي عاونها ثما ڨاتلو : شكرا يا صديق ڨالها : عفوا أيتها الجميلة وغمزها (اليوم البارت برعاية الغمزات 😂) ويوسف ڨريب يطرطڨ ..... خرجوا من الباب وزادو صوطاو على السور وهربوا
بعد ساعة الحارس الأول : أجري أجري تشوف دخلوا للفيلا اليوم يقتلنا السي جلال الحارس الثاني جا يجري ووجهو أصفر : لازم نخبروه ضرك كون يعودوا كشما سرقوا الحارس : ألو الس .....السي.... ج... جلال جلال : يا ******* أهدر بركا ما تتعڨن الحارس : السي جلال كاين طفلة دخلت للفيلا ..... وزادت دخلت للبيرو تاعك ومبعد جا طفل آخر وخرجها جلال : نعل بو الراسة تاعكم هاذا كامل ومشفتوهمش الحارس : السي جلال سامحنا بصح تبانلي بلي كاين واحد عاونهم من الفيلا جلال : تجبدوه وتندموه على النهار اللي زاد فيه الحارس : أمرك السي جلال
جلال بعد ما قفل التيليفون ووصلوه الفيديوات تاع كاميرات التصوير تاع دارو في كندا تبسم بخبث : أمممممم القطة كبرت وعادت تدخل لداري تحوس تلحڨ والديها ... !!!
