- لڨيتوها ؟! - لالا مزال ڨلبنا عليها الدنيا وملڨيناهاش - يا @@@@ متنفعوا لوالو مخدم عندي بهايم ماشي عباد شوفوا وقسما برب الكعبة ياو متلڨاوهاش منا لغدوا غير نمحيكم من على وجه الأرض
________________________________
عند سارة كانت راڨدة على ظهرها تحاول تاخذ النفس بسيف باش قدرت تتنفس كانت تلهث ومنبعد بدات تكحب (تسعل) حتان خرج الدم من فمها عرفت بلي عندها نزيف هزت يدها بسيف باسكو كانت توجع فيها ومسحت الدم بكف يدها ..... كل شي فيها كان يوجع كرشها يديها رجليها ضهرها سيرتو راسها ..... ليوم ضربوها بزاف علابالها بلي كون تزيد يوم هنا تخلاص عليها ..... تموت نورمال غمضت عينيها وغاست في ذكرياتها بدات ملي كانت صغيرة حتان خطبها محمد وآه من محمد كان ملاك ماشي إنسان تعترف بلي مزالت لضرك تحبو .... لحد الآن منساتوش تبسمت كي تفكرت ضحكتو ...... مشيتو ...... حنانتو ...... طيبة قلبو ..... خفة دمو ....مواقفوا الرجولية معاها ..... رومانسيتو وخوفو عليها مقابلتش وماهيش رايحة تقابل إنسان كيفو باسكو محمد كاين غير واحد مكانش منو زوج ..... دمعو عينيها توحشاتو وتوحشاتو بزااااف مقدرتش تصبر ...... مع كل دمعة كانت تطيح كان الوجع يزيد يقوى عليها ..... تحملت تحملت بصح بزاف عليها وجع جسمها ووجع قلبها بالاك جا الوقت اللي لازم تستسلم إيه قررت متزيدش تقاوم كثر تعبتها الدنيا بزاااف خلاص كرهت حابة ترتاح ..... ترتاح إلى الأبد سمعت صوت خطوات جايين ليها ..... بالاك هذا هو اللي جاي يقتلها ويخلصها من آلامها حلت عينيها شوية قدرت تلمحوا كي قرب ليها شافت عينيه الgris اللي جامي قدرت تنساهم شافتهم مرة وحدة بصح ڨعدوا عالقين في الذاكرة تاعها تبسمت وضعف التنفس تاعها حست روحها ثقيلة وغاصت في عالم آخر .... عالم مليء بالضلام بصح كان الملجئ الوحيد ليها ....💔💔💔
______________________________
ڨاعدة مع زينب (أم سارة) وتبكي هي وياها بعد ما ولات باش تسقسي على سارة لعشية حلت عليها زينب وڨالتلها بلي سارة تخطفت عندها 3 أيام من هاذيك وهي ڨاعدة مع أم سارة وتبكي عيطت لمعاذ 10 مرات بصح تيليفونو دايمن مصكر ناضت طيبت قهوة ليها ولزينب وحاولت تلهيها بالهدرة وتخفف عليها شوية لازم تكون قوية وتوڨف مع أهل صحبتها في محنتهم حتى ترجع سارة إن شاء الله ..... شافت في أم سارة لڨاتها رڨدت باينة أصلا عندها يومين مرڨدتش غطاتها وكتبتلها ورقة بلي راهي مروحة وجدتلها حاجة خفيفة للعشا وعيطت لإسلام جا ليها مع خرجت ترمات في حضنو عنقاتو وطرطڨت بالبكي حاوطها بيديه وڨعد يمسح على شعرها وضهرها بيدو خلاها حتان تتكالما (تهدأ)وتحكيلو وحدها بلا مايكثر عليها ........
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
