دخلت سوزا تخدم حتان سمعت الباب تحل وعاود تسكر بالمفتاح تخطفت ودارت بشوية تشوف شكون لڨاتو إسلام تنهدت براحة وعاودت شافت فيه سوزان : إسلام من فضلك أخرج
إسلام : لالا سوزا مانيش خارج لازم اليوم نفريوها
سوزان :إسلام أخرج عليا مابقات بيناتنا حتى هدرة
إسلام : راح نعاود نطلبك للزواج وللمرة الأخيرة ياتقبلي يا ترفضي وإلا رفضتي لازم تڨوليلي السبب ولا مانيش خارج منا حتى نعرف سبب رفضك ليا ونوعدك غير تڨوليهلي نروح منا ومتزيديش تشوفي وجهي
سوزا رعشت (رجفت) وعينيها دمعو وهدرت بالعياط : حاب تعرررف .... آه ڨولي حاب تعرررف .... ضك نڨووولك علاااش راني رافضاتك ..... باسكو الغلطة مني ماشي منك نتاااا ...... فهمتااااا ..... أنا مانيش عذرااااء ..... أناااااا وحدة إغتاصبوها وخذاو أغلى حاجة عندهااااا 😭...... ضرك راك عرفت خلاص رووح وخليني وحدي .... خليييونييي وحديييي .... تعبببت حابة نموووووت .... وطاحت على ركايبها تبكي بالصوت وشهقاتها يتسمعوا من بعد .... إسلام راح يجري ليها تحضنها وڨالها : سمحيلي سوزا سمحيلي ..... بصح هي مكانتش مركزة معاه ومسمعتوش ....
بعد ما هدات بعد عليها وحكملها وجها بين يديه :" سوزا أنا عمري منخليك .... هيا ننساو الماضي ونبداو صفحة جديدة أنا راني قابل بيك كيما راكي .... أنا حبيتك نتي حبيت عقالتك ... حبيت حنانتك ... حبيت حشمتك ... حبيت أخلاقك ... حبيت حتى عينيك وشعرك .... وكلشي فيك(راو يكذب 😒راني كشفتولكم😂😂) خلينا ننساو كلش ونجي نخطبك ونتزوجوا وش رايك ؟!
راح ليها ومشات هي ثاني لجيهتو حتان تقابلو حسام : صباح الخير
سارة وهي مهبطة راسها وتفرك في يديها : صباح النور
حسام : طلعي راسك -طلعت راسها وكانت ترجف من البرد - طلع حسام يديه وعدللها الخمار باش ميجيهاش البرد ودارلها الڨلمونة وزاد نحى الكاشني cache nez تاعو ودارولها 😍
سارة : مرسي
حسام : بلا مزية برك حاب نهدر معاك
سارة : تفضل
حسام : يزيد فضلك ..... أحم .... حاب نقلك برك راني فاهمك ومقدر حالتك وراح نحترم القرار تاعك ونستناك حتى تتقبليني ونوالفوا بعضانا .... بصح حابك تتعاملي معايا كيما كنا من قبل .... متحطيش حدود بيناتنا بسبب الخطبة ... أتعاملي معايا على أنو أنا حسام زميلك في العمل ماشي خطيبك ... أوكي ؟!
سارة : أوكي متفاهمين 😊😊 ودخلوا للسبيطار مع بعض يضحكوا ويشايخوا (مساكن معلابلهمش بلي فرحتهم ماش رايحة تدوم 😂😂😈)
************************************
سيلاااام البنااات تاكلو الكاوكاااو 😂😂😂
رانا على مشارف النهاية بصح مازالو كاينين بزاف أحداث مشوقة😁خاصة بين حسام وسارة رايحة نتعبهم شوي مساكن 😈😂
حسام : أيا صكري فمك تديريلنا المشاكل نقتلك 😡
أنا : أسكت نتا شكون هدر معاك تزيد تقلل معايا الإحترام نبعد عليك سارة ونزوجها بواحد آخر ونخليك تندب على سعدك كي الولية 😏
