فاتت سمانة ماتبدل فيها والو سارة كل يوم تهتم بحسام وزادوا تعرفوا على بعضاهم مليح .....
جلال يخطط هو وصوفيا ومايكل باش ينتقموا من حسام ولا نقدروا نڨولوا جلال يخطط وهوما ينفذوا
لشتا ماهومش قابلين ....
سوزا تتجنب في إسلام ڨد ما تقدر خاصة بعد ما هدرت نبيلة مع أمها وخطبتها لإسلام ورفضتو من هاذيك ماهيش تهدر معاه بصح تهدر مع ياسمين وڨد ما حاولت معاها محبتش تڨولها سبب رفضها ....
رحيق ويوسف عادي مع خدمتهم برك
************************************
خرج معاذ الصباح رايح يشوف سارة في السبيطار ركب في الطومبيل وديمارا شوية وڨارا شرالها الشيكولة اللي تحبها .....
بعد مدة وصل ..... دخل وسقسى عليها ڨالولو راهي مع المريض تاعها في الغرفة 07
طلع لڨاها تشايخ مع حسام وتضحك جنونو طلعوا زير على يديه طبطب ودخل
معاذ : صباح الخير
سارة وحسام : صباح النور
معاذ : ربي يجيبلك الشفا
حسام : إن شاء الله ربي يحفظك
معاذ : سارة هيا معايا نحتاجك
سارة : أوكي هاني جاية ودارت لحسام وڨاتلو بشوية (ضك نولي 😁)
تبسم معاها وغمزها
خرجت سارة لڨات معاذ يفور 😂😂
معاذ : شكون هذا ؟!
سارة : حسام
معاذ : مڨوتلكش إسمو ڨتلك شكون هو😡؟!
سارة : طبيب يخدم معايا وضك راهو مريض عندي أنا اللي متكفلة بالحالة تاعو 😒
معاذ : يسما المرضى تاوعك كامل تشايخي وتضحكي معاهم هكذا ؟!
سارة : لالا غير حسام برك
معاذ : ساراااا متجهلينيش ... وشبيك راكي من نيتك ڨاعدة مع راجل وتشايخي معاه نورمال !!!
سارة : معاذ بركا متكبر فيها مدرتش حاجة عيب نورمال طبيب يخدم معايا وراهو مريض هدرت معاه شوي وخلاص ديجا ڨولي علاه جيت يخي لباس جرحك رتاح ؟!
معاذ : جيت نشوفك برك و ........
سارة : و واش ؟!
معاذ : والو والو جبتلك شوي شيكولة من اللي تحبيها
سارة : يااااي صااح صوطات عليه تحضناتو وهو ضحك بالصوت وحضنها هو ثاني
هو كان جاي يشوفها توحشها ويطلب منها السماح بصح مقدرش جاتو صعيبة كمل النهار معاها وداها تغداو مع بعض والعشية وصلها للدار .....
************************************
جلال : أممممم ..... هاذو هوما العلومات الشخصية تاع سارة
مايكل : إيه
جلال قراهم بهت ..... ومنبعد تبسم بخبث : هاي ضهرت سارة بنت الغالي لازم نتهلاو فيها 😈😈
صوفيا : وضك وش نديروا
جلال : لازم نزوروا على حسام عيب علينا راهو مريض وحنا لضك مشفناهش ومنها نتأكدوا من مشاعر سارة ليه
مايكل : ههههه متخافش خليها عليا
جلال : بصح متروحش نتا نحتاجك ملازمش يشوفوا وجهك أبعث واحد من الرجال تاعنا برك
مايكل : أوكي
************************************
دخلت سارة للدار هي ومعاذ دوشت وصلات ولبست عباية خفيفة وخمار (الصورة لفوڨ)هبطت
سارة : ماما راني رايحة توال سوزا عندي سمانة مشفتهاش مسكينة مڨعدتش مع الخدمة وحسام مروحتش ليها
(سارة حكات كلش لمها برك ومڨالتش لباباها ومعاذ )
أنت تقرأ
كرونيك صراع مع القدر (باللهجة الجزائرية)🔥🔥
Romansaفي حياتنا نخططوا بزاف باش نحققوا أحلامنا وطموحاتنا بصح واحد ما علابالو واش مخبيلنا القدر
