أولا ربي يرحم ريان ويصبر أهلو غاضني بزاااف وستنيت لحظة بلحظة أنو يخرج وفرحت بزااف كي خرج لكن للأسف تصدمت بخبر موتو صح ريان مات بصح فواز القطيفان الطفل السوري المخطوف نظن سمعتو بيه مماتش إذن نتمنى على الأقل يتمكنوا من إنقاذ فواز 💔💔 وربي يردو لأهلو سالما غانما
************************************
دخل حسام للدار ميت بالعيا يمشي بخطوات ثقيييلة شعرو مفرفش قفالي الشوميز اللولين محلولين وجهو أصفر ولي سارن تحت عينيه جات هدى تجري ليه تحضناتو ومنبعد حكمتلوا وجهو بين يديها هدى : حسام وليدي وشبيك ؟! (تمسحلو على وجهو وتهدر) عندك يومين غايب على الدار نعيط متريبونديش خلعتني عليك عندي يومين وأنا نخمم جيت لسبيطار ملڨيتكش ومام سارة ملڨيتهاش
حسام تبسم وسلملها على راسها : يما متتقلقيش مكاين والو
حسام تغرغروا عينيه بالدموع : يما علاه غير أنا مكتوبلي الشقا في حياتي
هدى : حسام وشبيك أستغفر هذا إبتلاء من عند ربي لازم تصبر راحت ليه حاوطت كتافو بيديها ومشاتو حتى وصلو للفوتاي ڨعداتو وڨعدت توالو وحكمتلو يديه : هيا أحكيلي واش صرا
حسام : سارة خطفوها ...!!!
************************************
كانت غايسة وتخمم صونا تيليفونها مسمعاتوش تالمو كانت غارقة في تخمامها زاد صونا المرة الثانية فاقت من سهوتها هزت التيليفون لڨاتو سفيان هزت عليه رحيق : ألو مساء النور سفيان : مساء الخير وشراكي ؟! وكشما عرفتي على الراجل اللي قتلك والديك ؟! تبسمت رحيق بإستهزاء : لالا مزال معرفت والو حتى دارو ومعرفتهاش سفيان تبسم : أوكي بالتوفيق أنا واثق في قدراتك رحيق : شكرا حضرات بعد ماغلق سفيان الخط طرطڨت رحيق بالضحك : هههههههههه آه ياسفيان مازلت متعرفنيش مليح جلال رودريڨاز محال يهرب مني أنا راني ڨاعدة هنا غير على جال كي تحاصروه نتوما ثما أكيد راح يهرب هنا وهنا يلقى ملك الموت تاعو يستنى فيه هههه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رحيق☝☝☝
************************************
وصل للبلاصة اللي ڨالولو عليها رجالو هاز في يدو كلاش وبدا يضرب في دقيقة طيح 10 رجال
زاد دخل لداخل لڨى زوج رجال قتل واحد وواحد ضربوا حتان داخ برك جبد المفتاح حل الباب لڨى سارة تطايش في الأرض في حالة راح يجري ليها شافت فيه ومبعد داخت هزها بين يديه وعيط لرجالو يجيبولو هذاك اللي الحارس باش يستجوبوا ركبها في الطومبيل وطلع من ڨدام وديمارا بأقصى سرعة للسبيطار
