صوفيا : هاذم هوما كامل المعلومات والفوطوات تاع حسام
جلال : أممممممم ..... وهاذي اللي معاه شكون ؟!
صوفيا : طبيبة تخدم معاه وسمها سارة
جلال : يسما حسام يحبها
صوفيا : حاجة باينة هاذي بصح هي منيش متأكدة من مشاعرها إتجاهو
جلال : لازم عليك تتأكدي من هاذي
مايكل : ووش تحب نفرقوا بيناتهم ؟!
جلال تبسم بخبث : لالا لازم علينا نجمعوهم ونخليوهم يحبوا بعضاهم كثر ومنبعد نديرولهم مفاجأة 😈
************************************
ناضت سارة الصباح ولبست قشها
راحت تجري للسبيطار مفطرتش حتى وصلت طلعت تجري للغرفة اللي فيها حسام لڨاتو راڨد وهدى حاكمتلو يدو وراڨدة فوڨ الكرسي راحت ليه فحصاتو لڨاتو خير من البارح نوضت هدى
سارة : طاطا هدى نوضي روحي للدار ريحي شوية وديري دوش خفيف نحي بيه التعب وأرواحي
هدى : لالا منقدرش نخلي حسام معليش يجي التعب فيا المهم منخليهش وحدو
سارة : طاطا متخافيش وديجا ماهوش وحدو راني هنا معاه روحي ريحي شوية وأرقدي مرقدتيش مليح لبارح
هدى : ربي يحفظك لميمتك آبنتي صحا ضك نروح وبعد الضهر نولي إن شاء الله أتهلاي فيه
سارة : كوني مهنية طاطا ❤
راحت هدى وسارة نوضت حسام باش تغسلو الجرح
سارة : كيفاش راك تحس في روحك
حسام تبسم : راني مليح الحمد لله إلا عدتي تتهلاي فيا هكذا نعود كل يوم نتضرب برصاصة 😂
سارة شنفت : حسااااام ..... بركا من التمسخير أنا متت بالخلعة عليك ونتا تتمسخر (ڨالتها بلا ما تفيق)
حسام تبسم فمو وصل لوذنيه : مالا متتي بالخلعة على جالي 😏😏
سارة خدودها حمارو وهبطت راسها : هيا عاونني نقلبك باش نغسلك الجرح
حسام : ياو متبدليش الهدرة جاوبيني
سارة : خلاص حسام بركا من الصماطة
حسام : هههههههه خلاص منزيدش نقلق سرسورتي
************************************
نبيلة (أم إسلام) : ياسمين صحبتك اللي جبتيها البارح تهبل الله يبارك
ياسمين : أمممم سوزا ماشاء الله عليها زين وتربية
نبيلة : وش رايك نخطبوها لإسلام
ياسمين : أنا ماذا بيا بصح لازم حتان نڨولو لإسلام ونشوفوا
نبيلة : متخافيش هاذيك عليا
************************************
روان : فوفو عندي بزاف مشفتكش بليز أرواح اليوم نتلاقاو
فؤاد : ههههههههه وشنهي فوفو هاذي وزيد اليوم منوعدكش راني خدام
روان : علابالي نتا عدت متحبنيش 💔
فؤاد : كيفاه منحبكش هذا نتي عمري و روحي ومرتي وأم ولادي إن شاء الله
روان : صح ... هاذم كامل أنا
فؤاد : إيه نتي كلش في حياتي منقدرش نعيش بلا بيك .....
************************************
سلام البنات وشراكم ؟!
متڨولوليش بارت قصير راني من الصباح وأنا الماعن بسيف باش كملتهم 😂
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
# بقلم : عائشة
أنت تقرأ
كرونيك صراع مع القدر (باللهجة الجزائرية)🔥🔥
Любовные романыفي حياتنا نخططوا بزاف باش نحققوا أحلامنا وطموحاتنا بصح واحد ما علابالو واش مخبيلنا القدر
