اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لبست طابليتها وهزت السماعة تاعها وخرجت كانت هابطة للإسعاف حتى تلاڨات بحسام ڨالها صباح الخير ڨلبتلو وهبطو مع يدخلو ويجي سيف يجري (شفيتو عليه صاحب محمد) وڨف ڨدامهم وهو يلهث ومبعد ڨالهم : حسام تجي ضرك معايا نتا وسارة أزربو وفي الطريڨ نفهمكم وراني إستأذنت من المدير وقبل هيا جيبوا معاكم حقيبة الإسعافات الأولية وأجريوا ....!
حسام حكم يد سارة وراح يجري حتان جبدت يدها وحبست دار ليها مستغرب ڨاتلو : "هذي هي المرة الأخيرة اللي تزيد تحكملي فيها يدي 😡"
حسام عاود جبدها من يدها وڨالها :ماشي وقتك ضك منبعد ونهدروا " وكمل يجري ويجبد فيها معاه وهي ڨعدت باهتة 😯 (راسها دار erreur😂😂)
ركبوا مع سيف وديمارا هو فيتاس على الآخر ڨالهم خطفوا 10 بنات وإحتمال يكونوا كشما دارولهم عليها جبناكم معانا كون تصرالهم حاجة تعيطو للحماية المدنية رانا ديجا متفاهمين معاهم يبعثولكم أومبيلونس ونتوما تتكفلو بيهم
سارة : أوكي حسام مجاوبش ڨعد تايه يتفكر في اليامات اللي كان فيهم في الجيش ....
وصلوا هبط سيف وڨالهم نتوما تڨعدوا هنا كشما يكون رانا نعيطولكم وسيرتو نتي سارة بلاكي تهبطي وبصوت ناقص :"راكي أمانة الغالي لازم ميصرالك والو 💔"
راح سيف وزادو وصلوا صحابو لحڨوه في دقيقة تڨلب كلشي يسمعوا غير في الرصاص يتطاير وبداو يطيحوا صحاب سيف بالواحد ومام هوما كانوا يقتلوا في الخاطفين .....
سارة تشوف فيهم يطيحوا ولات ترجف وحدها في لحظة تخيلتهم كامل محمد دمعوا عينيها وتمتمت بين شفافها محمد حلت الباب وهبطت تجري ... حسام توسعوا عينيه وهبط يجري لحڨها جبدها من ذراعها وتحضنها يحمي في من الرصاص وهبطوا في زوج للأرض مشاو شوي وتخباو ورا الشجرة ..... دار ليها حسام وعيط عليها :" وشبيه جدك نتي وشبييك هبلتي ؟! " سارة كانت تايهة تحرك في راسها للڨدام والوراء وتشوف في هذوك العسكر اللي غارقين في دمهم تخطفت ثم ودارت لحسام حكمتلو يديه:" حسام تعيش هيا نروحوا نسلكوهم تعيش ." حسام :" أقعدي هنا ضك نروح ما تتحركيش منا نهائيا فهمتي؟!" سارة :أوكي بصح لازم نعاونك متقدرش وحدك حسام : نو نتي أقعدي هنا اللي نلڨاه حي ضرك نجيبولك هنا تتكفلي بيه وأنا نكمل نشوف الباقي أوكي ؟! سارة : أوكي حسام زير على يدها يطمن فيها وراح
مع راح دارت سارة تشوف في واحد ڨريب ليها ينازع ومضروب في حالة راحت تمشي بشوي جبداتو حتى وصلاتو للشجرة خباتو وراها وڨعدت تلهث ما جات تكركرو بالسيف شوي وناضت لڨاتو ينزف ڨطعت البيل تاعها وربطتلو الجرح بيها لڨات جروح أخرى ولازم تعقمهملو ضك وتداويهم شافت في صاكها ملڨات والو غير باطة دوليبران وقرعة ماء صغيرة حطت راسو على رجلها مدتلو حبة وشربتلو الماء هزت لي لانجات وڨاعدة تمسحلو في العرڨ بدا يتمتم ڨربت تسمع وش يڨول :" مَّا... سم ... حي...لي مَّا (ما سمحيلي ما) " حكمت يدو وزيرت عليها:" متخافش راني معاك راح ترتاح وترجع ليماك بخير ." تفكرت سارة علبة الإسعافات لازم تجيبها من الطومابيل بصح بعيدة شوي نسات هدرة حسام وراحت تجيبها تجري شوي وتتخبى بين الشجر حتى وصلت للطريڨ لازم تجري باش تلحڨ ليها خرجت تجري مع تلوح زوج خطوات و ..... حسام:سااااااارااااااااااااااااا
#بقلم : عائشة
***********************************
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
