#رحمة
البارت الاول
الكاتبة فاطمة العبيدي
لم خريفك بالشجر ما ضل عزيز .
________________________
واكفه كدام المرايا القي نضره اخيره على ملابسي داروح للكليه جنت اباوع على روحي لابسة نفس الفستان الي البسه كل يوم ومرات ابادل بينه وبين فستان اختي المتزوجه
خطيه اختي من تجي تجيبلي من ملابسها هي هم حالتها تعبانه رجلها كوه يدبر العيشه ومع ذلك يحبها وهي تحبه وابد مضايجه من حالته
نزلت صبحت على ماما وبابا كاعدين يتريكون
رحمة : صباح الخير
بابا وماما : صباح النور
ماما : تعالي تريكي
رحمة : ماريد ماما مالحك ع المحاضره بعد شوف شوكت يجي الكوستر (الباص )
بابا: الله كريم بابا كعدي اكلي ع السريع ،بلكي يطلع التعويض مال عمج شهيد واشتري سياره
رحمة : كعدت ،بابا ليش احنه ناخذه وباقي عمامي ميحجون يعني
بابا: لا ميحجون همه كلولي تعرفين هم حالتهم زينه ويشوفوني اني محتاج
ماما : الله يوفقهم لعد شوكت يرجعون من الاردن
بابا : ماعرف خابرني محمود البارحه يسأل علينا بس مكال شوكت نرجع
رحمة : لعد زياد وابراهيم واحمد وين
ماما : زياد طلع من الخمسة عمالة اليوم خابره الخلفه اكو شغل و وابراهيم قبل متكعدين بشويه طلع للمحل واحمد بعده نايم
رحمة : يلا الحمدلله حطلع اني ادعولي
بابا وماما : الله وياج
طلعت اتمشى بالفرع وصلت لراس الشارع وكفت انتظر كوستر وهاي حالتي كل يوم مرات اول ما اطلع تجي واصعد ومرات اضل انتظر
جتي الكوستر صعدت ومشت طلعت الخمسمية دينار هاي بابا كل يوم ينطيني الفين ، الف كروه روحه خمسمية ورجعة خمسمية والف اشتري بيها كيكة وعصير لو اشرب بس چاي
وصلت لكليتي نزلت اتمشى طبيت للتفتيش وطلعت ،طلعت تلفوني جان نوع عادي بدون كاميرا
رمشت لصديقتي هاجر رجعت خابرتني
هاجر 📞: صباح الخير عمري
رحمة📞: صباح النور حبيبتي وين انتي اني وصلت واكفه يم التفتيش
هاجر📞: هسه راح اجيج اوكفي
شويه ولمحتها تمشي بإتجاهي
هاجر : لج شوكت تبطلين طبعج وهاي المستحه مالتج قابل الكليه كلها تباوعلج من تدخلين
رحمة: استحي شسوي من اطب امشي احس الكل يباوعلي هسه سكتي وامشي قابل اول مرة تدخليني
هاجر: باوعت صفح امشي امشي تأخرنا
أنت تقرأ
رَحـــمـــة
Romanceأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
