البارت العاشر
#رحمة
للكاتبة فاطمة العبيدي
حرت شكتب بعد والكاتبة الله يصير 🍁
متابعة ممتعه💌
_________________
سديت الباب ورحت كعدت يمه باوعلي وضل صافن بعدين حجه
"شنو قصدج بالسويتي اليوم جنتي مخططه تقللين من قيمتي بتصرفج هذا ترا لا عبالج سكتت ومشيت الامور قبل شويه ..
جنت اشوفه شلون يحجي بعصبيه قاطعته بأنفعال " محد كلك اسكت ومشي الامور اي اني تقصدت اسوي هيج حتى مره ثانيه متستصغرني حتى عمتي انتصار مقابله على تصرفك ترا لا عبالك اني اهتم للذهب وهل سوالف صح احنه حالتنا مو ذاك الگد بس عيني شبعانه وقنوعه يمكن لو ماخذ رأيي وهي كلمة متأثر عليك لو كايلي اختاري الي يعجبج جان كتلك بكيفك واخذت نفس هذا الذهب بس انته خفت لا اختار شي غالي لان بنظرك اني محرومه ومشايفه "
جنت احجي بعصبية وصوت عالي اندكت الباب وانفتح دخل زياد
" هاي شبيكم اكو شي ليش صوتكم عالي "
ايهم " لا ماكو شي هيج بيناتنه "
زياد هز راسه وطلع باوعت عليه وحجيت " مكتله لو تعرف بنفسك غلطان "
ايهم " تدرين متوقعتج هيج اللسان "
رحمة " اذا تقدرني وتحترمني متشوف غير الكلمه الطيبه مني "
هز راسه وهو مدنك حجه " رحمة اني مو قصة استنقص منج بس ورانا زواج ومصاريف كلها عليه "
رديت " انته كلت اني ماعندي واني حجيت هاي مو حجه جان كلت اختاري واني هلكد فلوسي المهم السالفة راحت وانتهت منا وجاي رجاءاً الجهاز والغراض كلها ذوقي وعود انطيني الفلوس الي انته مقرر تصرفها على هذا الشي "
هز راسه وكام طلع " تهي بهي اني سامعه المخطوبين من يكعدون اول مره وحدهم يتغزل بيها يسولف وياها بس اني حظي هيج "
طلعت للمطبخ جانو كاعدين اخواني وموده سألتني موده " شبيكم صوتكم جان عالي "
رحمة" على سالفه الذهب حجيتلهم كلشي وزياد ايدني على تصرفي عفتهم ودخلت للغرفه بس حطيت راسي نمت ثاني يوم مداومت جنت كلش تعبانه ومابيه حيل اروح للدوام خلصت اليوم كله بس اكل
توالت الايام بين الكلية والبيت اسبوع كامل ايهم يوصلني بس ميحجي اي شي عده صباح الخير وانتظريني اجيج وهاهيه
اني هم مهتميت ولا فكرت ابادر واحجي فوكاها هو اليزعل
هاجر جانت تكلي لتخلين زعلكم يطول تصير فجوه بيناتكم وبرود والحب تدريجياً يقل بس اني جان الي رأي ثاني الحب الحقيقي عمره ميقل
اليوم من رجعت من الدوام قبل ما انزل من السيارة ايهم كلي حضري روحج العصر نطلع كتله ماشي ونزلت
اكلنا ورحت نمت ساعه وكعدت تحضرت لبست فستان اشترته الي موده قبل متروح لونه وردي وبي حزام نيلي ولبست ويا شال وجنطه وحذاء اكرمكم الله نيلي وكعدت انتظره
نطيت خبر لاخواني ومعارضو شويه ودك طلعتله باوعلي وابتسم
أنت تقرأ
رَحـــمـــة
Romanceأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
