اسعد الله مسائكم احبتي♥️
البارت الثاني والعشرون
#رحمة
للكاتبة فاطمة العبيدي
اضغط على ⭐️ وابدأ بالقراءة
__________________________
مدري ليش أرتاح للوجه الثكيــــــــل
ومدري ليش يروح وأبقى مناطــــــره
انا عكس الناس أموتأ على القليــــــــل
والمصيبه هوايه أعوف لخاطــــــره
وحيل كاعد الك يبو أحساس البخيــــــــل
كعدت الجف على وجه الساطــــــره
والله مـــا اكدر أعــوفك مستحيــــــــل
شـــلون اصوم أكبال عالم فاطــــــره
كبــــال بيتك ياحمد شميت هيــــــــل
وصوت كهوه ودمع ناس مسافــــــره
مـــن كثر ما أنتجي وما بيه حيــــــــل
صاير أنسى جفوفي فوق الخاصــــــره
وصــــارت الفزه مثل فزت العليـــــــل
النــايــم ومــن لحمــه زلــو ظافــــــره
متابعة ممتعة 🤍
_______________________
هاجر " عمة مو حامل هاي خطين طلع "
كفختها عمه انتصار على راسها بخفه " لج غبيه حامل مو من طبيتي كتلج اذا خط مو حامل واذا خطين حامل
فرحت حيل باركنالها كلنا الضحكه مفاركتني حصير عمه واشيله والعبه يربيي
هاجر " عود لتكولون الزياد عليكم الله اريد اسويله مفاجأة "
حجيت " لا منكول سوي اليعجبج بس عود صوري ردة فعله "
ردت " لا المفاجأة تصير بالصالة هسه عمتي حبيبتي نصورة تجيبلنا كيكة حلوه مثلها ونفاجأة وعود احتفالنا اني ويا خاص والليل طويل "
انتصار " يا يا شوف شلون مفندة ولا تستحي ولج هذني بعدهن بنيات لتطلعين عينهن "
ضحكنا على كلام عمتي لبست عبايتها وراحت تجيب الشغلات الوصتها عليها هاجر
كعدنا اني والبنات بالمطبخ نسوي حلويات
حجيت " ريتاج ليش عمي حابسها هي شعليها "
ردت رنا " اوو يمعوده غير احنه منريد نضوجج ونجيبلج طاريهم
اصلا بيوم الي انتي اغمى عليج عمي لزم سميه كطعها تكطع ولهذا يومج هي بغرفه وحدها وريتاج تنطيها الاكل "
ردت ريام " وعمي كال بناتي بعد هذا گبرهن لحد متجي قسمتهن واشمرهن حتى لو شايب واخلص منهن "
" خطيه ريتاج اني لو ما استحي جان حجيت ويا عمي شنو ذنبها اصلا اني مسامعتلها صوت من جنت اجيكم كاعده وصافنه علينه ومن تجونه تضل لابده وره عمتي متحجي "
رنا " اي هي فقيره جانت سميه تموتها كتل وحتى الشغل الي على سميه هي تسوي خوفاً منها "
اجه ابراهيم سلم ودخل رحت ورا للغرفه " برهًومي حبيبي "
حجه " اشتغلت لواگه رحمة من الاخير احجي شتردين "
أنت تقرأ
رَحـــمـــة
Любовные романыأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
