رَحـــمـــة

بارت 21

اسعد الله صباحكم احبتي

البارت الواحد والعشرون
#رحمة
للكاتبة فاطمة العبيدي

قبل متبدون ⭐️⭐️⭐️
          _________________________

                    اليذكروني عفتهم لجل شوكي وياك
                       واني اتذكّرك وانت الي ناسيني
                      بايعني برخص واني بغلاة أشريك
                       مو انت الگلت بالروح تشريني ؟
                       روح وداعت الله بس أگلّـك ها
                        الي رب كريم الصبر ينطيني

                             متابعه ممتعه♥️

        _________________________

حجت هاجر " وين ياخذها عمه "

ريحانة صفكت ايدها وغمت هاجر " يولي يعني حيتزوجها يغبره "

حجيت " عمه شتموقعه يعني طبيعي يتزوجها هو مو خاني وياها يعني يحبها ويريدها بس الي اني مداستوعبه ليش من تزوجني راح حبها مو هيه سنين كدامه ليش هسه "

حجت رنا " اصلا مجانت بباله بس هي من خطوبتكم بدت تحوص غيرت لبسها وكامت تبرز بروحها حتى قصي انتبه عليها وكال لامي خل تستر روحها احنه شباب وياها بالبيت "

ردت ريحانة " هذا مو مبرر اخوج حيوان ركض وراها خايفه لا تطلع حوبه رحمة بينه"

حجيت بسرعه " لا لا والله ابد ما ادعي اني عليكم حتى عليهم مدعيت حسبت وهو الله ياخد حقي منهم مو من غيرهم "

عمتي ضلت تبجي وتتحلف " والله اذا اخذها وخلاها چنه ببيتي ما اطبه للبيت اني تالي عمري اخذ بنت ابتهال ام الزلم "

رديت " عمه ابتهال مرت عمو رياض مو ؟

انتصار " اي عمه مرت عمج "

" لعد وينها ليش هيج تحجين عليها "

انتصار " شوفي عمه من چنه بالاردن هناك ماخذين بيت جبير شلون هذا الهنا وكاعدين كلنا بي عمامج والولد شغل ميرجعون لليل والبنات دوام ابتهال كل يوم باليل نسمع صوتها تغلط ووتعارك عجز عمج شلون يتصرف وياها سميه جانت تدافع لامها وتتعارك ويا ابوها وهاي ريتاج تجي تختل يمي ضلت هل حاله لا سنه ولا سنتين يوم زينه وعشره تتعارك وكل مره حجه شكل يوم تريد تطلع بيت وحدها يوم تريد ترجع للعراق حار وياها واحنه مسلوبه راحتنه
اول العام كامت من اول ما يطلعون تطلع وراهم وترجع قبلهم بساعه ساعتين مجانت تحجي وين تروح لحد ما فد يوم عمج رياض رجع الظهر جان تعبان سأل عليها والمن سأل ؟

حجيت اني وهاجر سوه "المن؟

اشرت عمتي على ريحانه وكالت " سأل هاي الفطيرة وهي تعرفيها متضم بحلكها فولايه كالتله عمه ابتهال كل يوم تطلع وترجع قبل مترجعون بساعه هو ضل صافن بعدين طلع وكال لتكولون اني جيت رجع بالليل طبيعي ولا عبالك اكو شي ثاني يوم طلعو وهي طلعت وراهم وره ساعتين رجع عمج رياض وهي ويا ساحلها من حجابها وهي تبجي وتغلط عليه موتها كتل طلكها وطردها من البيت وبعد ماعرفنا شي عليها "