رَحـــمـــة

بارت 29

البارت التاسع والعشرون
#رحمة
للكاتبة فاطمة العبيدي

__________________

من تشتاگلي احضني

حد الما يميز هاي دگت گلبي لو كلبك

متابعة ممتعة 🦋

________________

باوعت على يوسف كاعد على الجربايه ويضحك عليه

يوسف " تعاي شبيج "

رفعت اكتافي " ما مااجي عود متفقين عليه انت ومريم "

ضحك " لا يابوي شمتفق ما متفق مريتي وردت اكعد وياها اسولف مابيها شي "

ضليت اباوع للغرفه اكو زاويه معلك مجموعه صور اله ورف بي كتب وكراسي ثنين وطبله كلش جانت تلفت الانتباه مرتبه والوانها حلوه رصاصي واسود وغرفه النوم هم رصاصي واسود وبداخل الغرفه حمام

سألته " شوكت اخذت اثاث هاي الغرفه "

جاوبني " من كعدنا بهذا البيت "

حجيت " لتغير اي شي بالغرفه خليها هيج "

كام من مكانه وحجه " هاا يعني عجبتج "

رديت " اي كلش عجبتني حلوه ومرتبه "

حاوطني من خصري وحجه " چا وصاحب الغرفه ما عجبج "

كلبي كام يدك سريع من قربه " لا يعني اقصد الغرفه اثاثها عجبني مو عليك "

رفع ايده وفتح شالي وذب الكب وفتح القراصه كبل صحت" لااا شعري هو بلا شي مكفش نوب من افتحه من الشال "

ضل يعدل بي بيده ويحجي " لج غير فاقد عليه احبنه عبن لايك على وجهج من اشوفه مفتوح وهو طويل ووي بياضج يعجبني اكلج اكل
"

ركزت على كلامه مرات يحجي جنوبي قح ومرات كلامه عادي صار عندي فضول سألته " انته ليش مرات تحجي جنوبي ومرات لا "

كعد على الجربايه وسند ظهره على التاج مالتها جر ايدي وكعدني بصفه وايده محاوطه كتفي " عايني انه اصلي من العمارة بس عشت وتربيت بالحلة واهل الحلة كلامهم عادي كم كلمه بسيطه تختلف عن اهل بغداد بس انه جنت اروح لعماتي واضل عدهم فتره واخذ الساني بس لان اكثر عيشتي بين الحلة وبغداد صار كلامي خبط وكلشي احجي "

جاوبته " بس انته من تحجي جنوبي احلى الحجي مالتك حتى لو رزاله احسه شعر "

اخذ خصله من شعري شمها وصاح " اووف ربي "

لزمت القراصه دالم شعري كلش اخجل من شعري لان مجعد احس نفسي خبله ، اخذ القراصة من ايدي " عوفي خل اشبع عيوني شوف منه "

حجيت " شحبيت بي يمعود "

ردني " ما عليج انه احبنه شكله غريب ، عايني انه ردت اخطبج من زمان بس سمعت بيج انخطبتي عفت الموضوع بس بيوم الجيتي وشفتج واكفه ع المراية وتعدلين بشعرج لفت نظري اول شي حبيته بيج شعرج "