البارت السادس والثلاثون
#رحمة
للكاتبة فاطمة العبيدي
_______________
يكللهم:
غريبة وبين ليلة ويوم
صارت اغلى من ناسي
متابعة ممتعة 🌹
__________________
رحمة :
"يا شعنده قصي وياج ليش يراسلج "
موده " مادري بس يدز هلو وشلونج ويروح ومرات يتصل افتح خط اضل اكول الو ميحجي واسده وهاي صار اسبوع "
حجيت " تره انتي لازمه عده خيه عوفي تلفون لتسويلنا سالفه ويا زياد هو بلا شي صار يتخبل من بيت عمي حتى عمي محمود ضايج من عنده علمود ريتاج "
موده" والله خطيه ريتاج شافو ماعدها احد واستقوو عليها اكص ايدي اذا مطلع دياخذها لقصي علمود ورثها يكلج سميه اخذها ايهم وهاي ياخذها قصي والورث يصير بيناتهم "
رحمة " اي بس قصي ميريدها كالت من يوم الي عمو فتح الموضوع وهو طلع من البيت بعد مرجع "
موده " وهذا فارغ ماعنده شي وسد فراغه يمي "
ضحكت عليها شلون متنرفزه بس ضلت ببالي قصي شعنده وياها هم حتى كلام مصاير بيناتهم
اجتي جنه تمشي عبالك بطه جرت امها من ملابسها وتصيح " دوانه اتول ماما " (جوعانه اكل ماما )
كامت موده شالتها وباستها حيل " شتردين اسويلج "
حطت جنه اصبعها يم حلكها وماخذه وضع التفكير بعدين حجت " بيله " (بيضه)
ضحكت من كل كلبي شلون تحجي بنزاكه يعجبني اكرطها
راحت موده تسوي اكل لجنه واني طلعت يمهم كعدنا بالمطبخ هاجر متعاركه ويا زياد لان مقبل يطلعها وتفتر بالمطبخ تسوي عشه وتدردم
حجيت " شبيييج انتي الخ "
حجت " ضاييجه اريد اطلع وحمودي يحتاجله ملابس ديكبر وزياد ميقبل يكلي هسه حوصيله من النت مو ضروري تطلعين تفرين بطولج بالشوارع "
ضحكت وحجيت " يلا عادي شبيج مكبرتها هو احنه كضينا عمرنا بهل بيت منطلع "
شويه ودخل زياد للمطبخ كعد يمنه وعينه على هاجر ومبتسم
حجه " شبيج جناوي صايره عصبيه متسوه تره "
ردت هاجر " جناوي معليج بيه تره واصله حدها "
زياد " جناوي عود غير يوم نطلع اليوم تعبان "
كامت موده شالت جنه وكالت " خبلتو بنتي خو كول هاجر عليمن تبسمرون "
سمعنا صوت حمودي يبجي راحت هاجر وزياد كام وراها التفت علينا وغمزلنا ضحكت موده وكالتلي " هسه يجون متراضين غير فطيره هل هاجر "
أنت تقرأ
رَحـــمـــة
Romansaأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
