البارت الثامن والعشرون
# رحمة
للكاتبة فاطمة العبيدي
لتنسون التصويت والبارت ادخلو اقروا من الصفحة الرئيسية بالتحديث الجديد صارت المشاهدات متزيد اذا متدخل من الصفحة الشخصية + تابعو حسابي هنا وبالانستا احبكم بنياتي♥️🥺
___________________
تأخرتوا علي طولتوا يمه
قلقتوني شنو الشغله المهمه
مو مشكله احجولي شكال ما كال؟
اشم بثيابكم ريحة مذمة
صرت ماضي ونساني وما اهمة؟
انتهى كلشي ويريد ابري الذمة؟
انا تخوني ذاكرتي مرات رحمه الوالديكم هو شسمة
حسباله يجيني الخبر وانهار سبع سنين اضل عايش الصدمه
امشي اعلى البحر اكضيها صفنات
احب ضي الگمر وتحبني نجمه
متابعة ممتعة♥️
_______________
رحمه :
فتحت التلفون اباوع رسائل من رقم بس مبين لايهم وكف كلبي ابد متوقعته بهل نذاله غوشت عيوني من الدموع ووكعت دموعي على شاشه التلفون
مسحت دموعي وكمت ابد ما اسكتله هل مره عباله يخوفني بكلامه اني ورايه اربع زلم يكسرون ظهره
كمت فتحت الباب وطلعت دكيت الباب على غرفه زياد فتحت الباب هاجر شهكت من شافتني باچيه حجت " شبيج رحمه ليش دتبجين "
حجيت " خل يجي زياد بسرعه رحت كعدت بالممر بالكاع ماعرف شكلي كدام اخوتي ويوسف من يشوفون هل شي حتى استحي
طلع زياد شكله قلق يمكن هاجر كايلتله اجه ثنى كدامي " شبيج رحوم ليش دتبجين وهيج حالتج "
بجيت بقوة " زياد ايهم ديهددني يريد يفضحني "
حجه بعصبيه " بشنو يهددج خل يولي ليش هيج دتسوين بروحج خايفه منه واني بظهرج "
دنحجي ودخلو ابراهيم واحمد وجانو يسولفون ويضحكون من شافوني راحت ضحكتهم وجوي بسرعه حجو بصوت سوه " شبيج
اشرلهم زياد للصالة كومني من الكاع ووداني للصالة " هاجر جيبي كلاص مي بساع عيني "
راحت هاجر وهو ضل ساكت واني مستمره بالبجي جابت المي شربته واحمد يكول " غير نفتهم شبيكم "
حجت هاجر " ياا غير انتو طالعين صارت عركه شكبر..
قاطعها زياد " هاجر هسه مو وكتها " التفت عليه وكال "يلا رحومة حبيبتي احجي شبيج "
حجيت " هسه وصلتني محادثات وصور من رقم غريب بس اني متأكدة هاي الصور من ايهم
حجه احمد " صور شنو ماليش "
رديت " صوري بس صور مخجله بلبس ميصير احد يشوفه بس والله اني مطاكتها كلها لو اني وكاعده لو اني وداشتغل لو نايمه وكم صوره ويا ايهم بس ممطلع وجهه واني نايمه " حجيتها وبجيت
كملت كلامي " ومحادثات مو الي كله كلام يلعب النفس وعيب ينحجي اصلا اصلا ااني ماحجي هيج والله مكتوب راح ادزهن لخطيبج نشوفه يبقى وياج لو لا " شهكت وضليت ابجي
أنت تقرأ
رَحـــمـــة
Romanceأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
