رَحـــمـــة

بارت 2

#رحمة
البارت الثاني
الكاتبة فاطمة العبيدي

لا يضل بالك عليَّ
ابقى غني وابقى سامر
ابقى ذاك انت على طبعك
وابقى ذاك انه الحنين الي يحبك 🤍
_______________________
احمد :يمعوده طلعت مرت خالي دتجيب وماعدهم احد يروح وياهم مارين على امي ماخذيها  وامي عبالها ترجع من وكت قبل جيتنا هسه جتي وابويه عصبي گلب الدنيا

رحمة : سلمت على عمتي والبنات وطلعت ويا احمد طبينا للبيت واسمع صوت بابا يصيح
محمد : لتكولين عندي رجال اكله يابه ما كدرتي اخلي خبر يم جيران يم صخام اخلي اخويه يخابر رجلي ابني يابه اني طلعت مو يضل بالكم بس لا خل اروح وطبهم مرض لج كاعد يم اخوتي مستحي شلون مرتي تطلع وضاربتني عرض الحايط

سهيله : والله معبالي هيج اتأخر وانشدهت (انخبصت)بالمره خطيه جانت حالتها تعبانه

بابا عافنا وراح للغرفه محجه بعد وماما لحكته بس ساكته
احنه ضلينا واحد يباوع للثاني

زياد : يلا كافي طشو خلصت السالفه

ابراهيم : اي والله اني تعبان رحوم حبيبتي فد استكان جاي

رحمة : متغدي لو لا شو جاي

ابراهيم : تغديت بالمحل بس جاي راسي راح ينفجر

زياد : اني رايح انام

احمد : اني جوعان مشبعت ببيت عمي

رحمة : هسه اسويلك
رحت حطيت الجاي وگليت بتيته وكباب طاوه (عروك) وحطيته بالصينيه ويا الجاي وصحتهم كعدو ثنينهم اكلو

احمد : خير ابو الشباب ترا هذا الي مو علساس متغدي وبس جاي

ابراهيم: دنجب شو نطيني الخبزه لتخليني ادفرك اشتهيت الكباب ويا الجاي

رحمة : حمودي اكل اذا مشبعت اسويلك

احمد : والله بس اطلع اجيبلج حلويات واكل وياج

رحمة: هههه عليمن جايبها لعد اذا تاكلها طعموها واهلها جواعا

احمد : لج بابا ميصيرلج واهس تاكلين وحدج لازم اني اكل وياج حتى تنفتح نفسج اسكتي هسه هذا برهم مستغل اني داحجي وياج ومسح المواعين

ابراهيم : الحمدلله دايمه وانته اكل وانجب
راح ابراهيم واحمد كمل وراح ورا

بيتنا جان صغير عباره عن صاله ومطبخ وحمام وتلث غرف نوم وحده لماما وبابا ووحده الي ووحده لاخواني عايشين اني وماما وبابا واخواني التلاثه زياد عمره ٢٨ سنه خريج اداره واقتصاد ويشتغل عماله وابراهيم عمره ٢٥خريج علوم سياسيه ويشتغل ويا صديقه بمحل غذائيه واحمد عمره ٢١ سنه  خلص السادس وكعد يريد يتحسن حالنا يلا يداوم عندي اخت وحده موده عمرها ٢٠ سنه  مخلصه سادس اعدادي وتزوجت وعدها بنوته اسمها جنه واني بزر الكعده عمري ١٩ طالبه مرحله ثانيه صيدله