رَحـــمـــة

بارت 32

البارت الثاني والثلاثون
#رحمة
للكاتبة فاطمة العبيدي

_________________

هاملني كلش لان لاگيني مثل الهوة
حاويك طول الوكت واليوم نكضي سوة
متخاف من المرض لو تلكى يمك دوة

متابعه ممتعة ♥️
_____________________

رحمة :

دخلت للغرفه لكيت يوسف متمدد ومتغطي بس سديت الباب صاح

" طفي الضوه وياج "

ضليت مصدومه هذا شبي شو ياهو الاتزوجه يتغير عليه يمكن بيه شي اني ضليت واكفه بمكاني استحي انام بصفه

صاح " نامي شنهي وكفتج هناك "

رحت من الطرف الثاني مال جربايه تمددت اول محطيت راسي ع المخده غفيت

كعدت الصبح التفتت يوسف بعده نايم ضليت صافنه عليه شكد احبه ياربي انتبهت لشامه بركبته واضحه وشواربه الثخان ولحيته المحدده حواجبه هو لو كلشي بي حلو لو اني احبه واشوفه هيج

فتح عيونه وشكله بعده ممستوعب وجودي بعدها عدل نفسه انتبهت شو هذا ملابس بس الشورت عزه اريد اضم روحي كبل درت وجهي وهو اخذ ملابس وراح للحمام

واني حضرت ملابس اليه وكعدت انتظره يطلع حتى ادخل ورا

شويه وطلع لابس شورت وفانيله وحاط المنشفه على اكتافه وشعره ينكط مي كتله نعيماً ودخلت كبل خاف ميرد عليه واتفشل

سبحت ولبست كلابيه بيضه وطلعت خليت مكياج خفيف علساس اني عروس واقنع بروحي نزلت لكيته يطبب بالاكل جايبي اهلي

داريد اطلع صاح "وييين البسي حجابج الباب مفتوحه "

حطيت الشال على راسي وطلعت مبتسمه بوست موده وزياد

راحو واني دخلت احضر الريوك خليته ع الميز وصحته اجه كعد انتبهت لابس دشداشه بيضه طالع يجنن

اكلت هواي مدري اني جوعانه مدري شوفته تفتح النفس انتبهلي اباوعله ضل صافن بوجهي وبطل اكل

حجه " ليش هيج سويتي "

استغربت " ليش شسويت"

هز راسه وكام بدون ميحجي يربي شبي حيخبلني

مرت يومين واخواته رجعن للبيت وهو بهل يومين ميحجي ويايه داخل الغرفه بس كدام الكل طبيعي تصرفاته حتى شكيت عنده انفصام بالشخصيه

صعدت اليوم للغرفه فتحت الباب ودخلت شفته كاعد وبيده التلفون مالتي ضجت بس محجيت حسيته ديفتش بي

رحت اخذت تراك لونه اسود واخضر وبي فتحات من الكتاف
رحت للحمام بدلت ورجعت للغرفه فتحت شعري ومددت حسيت بي يباوعلي بعدها صاح

"حسابات بعد ماكو لا انستكرام ولا فيس ولا هل خرابيط حدج واتساب تلكرام والرقم حغيره "