رَحـــمـــة

بارت 31

البارت الواحد والثلاثون
#رحمة
للكاتبة فاطمة العبيدي

____________________

ياما كالولي حبيبك ما يفيد
وياما عنك رادوا يبعدوني

هسة وينك ما اشوفك بعيد
جا شكلهم هسة لو حاجوني

وليش بالماي العكر كاعد تصيد
وليش حملك باقي فوك متوني

متابعة ممتعة 💌
____________________

رحمة : وصلتني رسالة فتحتها مكتوب بيها
" رحمة اني سمية حبابه جاوبيني محتاجتج "

كلبي وجعني وخفت شرايده مني وليش محتاجتني مجاوبتها
رجعت دزت " رحمة حبابة مسألة حياة او موت "

الرسائل جانت من حساب انستا بيها صور ايهم

ضميري انبني كبل رديت " تفضلي ؟

مجرد ما دزيتها دكت كاميرا فتحتها وجان انصدم بأيهم بوجهي ضحك " هاا كلبج رهيف ع الكل بس من يمي متسامحين "

سديته بوجهه فتت ع المحادثه لكيت الرسائل ممسوحه ورسائل الانستكرام من تنمسح متبين مثل الماسنجر والواتساب

ضليت خايفه وهل مره مكلت لاحد اني محجيت ويا ومصار شي على شنو اسوي مشكله واني عرسي بعد اسبوع

وره نصف ساعه اتصل يوسف جاوبته وضلينا نسولف بس لاحظته ضايج ويحجي كوه حتى مطول بالمكالمه بس سأل عليه وشاف اذا محتاجه شي او لا

ضليت خايفه اذا كتله راح تصير مشكله ومتنحل هل مره يوسف واعرفه ميعدي الموضوع عنده بسهوله

فضلت اسكت وابلع السالفة لان ما احزر رده فعل يوسف

رحت يم هاجر وضليت شايله حمودي والعب بي ولو هو ميفتهم حتى شهر مصارله من اجه للدنيا

جنه تحبه كلش مشايفه طفله هيج متغار حتى تخاف تلزمه والبوسه مالتها بالهوى وكل شويه تكول هذا ماتي

وهي اصلا عدها كل الاشياء الحلوه والتحبها مالتها منها المكياج هذا مالتها وحتى ابراهيم تكله انته مالتي وهو مكيف عليها ولو هي شكو ولد تلتقي بي تحبه وتكول هذا مالتي هل بنيه مستقبلها زاهر

مرت يومين ويوسف لو يدزلي رسالة لو ميدز ولا مهتم من حجيت للبنات كلولي احسن حتى تشتاقيله ويشتاقلج قنعت روحي وسكتت

اتفقنا الحنه تكون الخميس وحيلبسني بيها الذهب لان مسوينا حفله خطوبه والزفه الجمعة

اليوم ثلاثاء اتصل عليه يوسف حتى احظر نفسي ونروح نأجر بدلات لبست عباية اسلاميه حتى من اقيس البدله ما اتعب لفيت شالي ومخليت مكياج بس كحله ومورد خدود

دك عليه جاوبته كلي واكف بالباب اطلعيلي خبرت هاجر وطلعت جنت حييل مشتاقتله وميته على شوفته بحيث كلبي يدك سريع ومتوتره عبالك اول مره اشوفه