البارت السادس والعشرون
#رحمة
للكاتبة فاطمة العبيدي
لتنسون ⭐️⭐️⭐️⭐️⭐️
__________________
گتله هاك القلم وقع
گال اوقع شنهو اوقع؟
گتله كظ القلم بيدك واكتب اسمك
واشخط على اسمك شخط واطني الكتاب
گال چا شنهو العشگ هم بيه تواقيع
ومواثيق وعهود وبيه حساب وبيه كتاب؟
گتله چا شنهو العشگ هسه تغير؟
لو عشگ عدكم جديد وتوه طاب ؟
گال لا عيني العشگ چا هسه نعمه بكيفك
اتحب وتبطل لا سؤال ولا جواب
گتله وي وي چا عليمن نحچي عن مجنون ليلى
وعن كُثير وعن بثينه وعن رباب؟
خليّ اسولفلگ گبل شنهو عشگنه
للنحبه بليل نمشي ونگطع دروب الصعاب
ولو سمعنه بطاري الحب ماكو نوم ولاكو زاد ولا شراب
متابعة ممتعة 🤍
______________________
ريتاج :
شويه ووصلت رسالة فتحتها من ابراهيم كاتب بيها
" نسيتيني شريد اكلج طلعت النتائج مالتج وحبيت ابشرج بيها "
دكيت عليه بسرعه جاوبني وحجيت بحماس " ايي شطلعت شوكت طلعتها "
ضحك بصوت ناصي فاتتني نبضه من سمعت ضحكته
ردني " ماكلج شطلعتي الا تسوين الاريده "
رديت بأنفعال " لا عينيي لتستغلني هي نتيجه باجر اكول لبابا يطلعها الي ماريد كيفك "
رجع ضحك بصوت اعلى ورد " لج بشنو استغلج انتي افتهمتي شريد وهيج كبيتي بيه "
" شتريد يالله كول "
رد " اريدج .. اااقصد اريد احجي وياج كل يوم ولتخافين حتى لو عمي عرف مراح يحجي مجرد ابن عمه يحاجي بت عمه مابيها شي "
جاوبته " ليش تحاجيني يعني مالكيت غيري تحاجيها اني بعدني صغيره ماريد التهي بالتلفون "
جاوبني " ما الهيج اني وادري بيج صغيره قابل راح افسدج اعتبريني صديقتج وصندوق اسرارج "
ابتسمت ورديت " نحجي بس اذا شفت منك كلمه مال كبار بعد ماحجي وياك "
ضحك وكال " هاي شلون صايره كلمه الكبار "
رديت " يعني كلمات عيب مو مال عمري عمه انتصار مرات من اسألها على كلمات تكلي عيب مو مال عمرج "
حجه " خوش لعد ماحجي واني ما الهيج بس اريد اكون قريب منج لتحجين اسرارج لاحد غيري اذا رحمة احجي بس غيرها لا ولتخلين احد يعلمج شغلات مو زينه اي شي تردي كليلي اني موجود "
" ماشي اتفقنا هسه كلي شطلعت "
رد " اكيد ناجحه ومعدلج ٩٨ شطوره راح تدخلين اعداديه لو معهد "
جاوبته " لا لا اروح اعداديه وادخل هندسه "
ضليت احاجي لحد ما غفيت كعدت ثاني يوم على صوت ايهم يصيح ويتعارك وي عمو محمود نزلت ركض ....
أنت تقرأ
رَحـــمـــة
Romanceأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
