البارت الرابع والعشرون
#رحمة
للكاتبة فاطمة العبيدي
لتنسون ⭐️⭐️⭐️
______________________
يصير أحبك مِن جديد ؟
وصدفة اشوفك من بعيد
وأنعجب بيك واعجبك
وواحد أيمر اعلى الاخر بس غريب !
يصير اصيرنلك حبيب ؟
يصير نزعل نخرب نضوج ونفارك بس نعود !
يصير ميمُرنه برود؟
متابعة ممتعة 🧡
______________________
ريتاج :
باوعلي ابراهيم بنظرات غير عن كل مره معرف افسرها
داخلي كارهه كلش بكل مره يشوفني يحسسني اني الي شافني ويا ايهم مو سمية
كعدنا اني ورحمة وهاجر بالمطبخ سوالف هاجر كلش حلوه تضحك
رحمة جانت تباوعلي وتبتسم
حجيت بضحكه" شبيج هيج تباعيلي اكو شي بوجهي "
ضحكت وجاوبتني " لا ماكو شي بس اني حبيتج حيل وداخلي مرتاحلج لتزعلين مني بس تختلفين على سميه احسج بريئة "
ريتاج " رحمة والله اني مو مثلها اني تأذيت منها من اني صغيرة ولحد ما كبرت الكل جان يحبها ويتقرب منها وينعجب بشكلها واني منبوذة من الكل بس بابا جان يحبني وهسه باخر مشكلة سوتها ابتعد عني حتى بابا الجنت اكول هو الوحيد الي يحبني ابتعد عني "
دنكت ودموعي صارت تنزل عشره عشره تقربت مني رحمة وحضنتني وكالت " اني اختج وصديقتج شتردين تعتبريني اعتبريني شوكت متحتاجيني تلكيني يمج لتبجين الله عليج "
دنحجي وفات ابراهيم " رحمة استكان جاي برو....
انتبهلي دابجي وسكت عكد حاجبه باستغراب كبل درت وجهي ومسحت دموعي
كمل كلامه " عود جيبيلي الجاي للغرفه
طلع واني مسحت دموعي ورحمة كامت تسوي جاي هاجر ضلت تلوب ووتحجي " عاجبني عنجاص وكون حامض مو حلو
ضحكت رحمة وكلتلها " خابري زياد يجيبلج "
راحت هي تخابر زياد واني بابا دك عليه ودعتها ورحت
______
رحمة :
بعد ما طلعت ريتاج رحت وديت الجاي لابراهيم نطيته وداطلع
وكفني سؤاله " ليش جانت تبجي ريتاج
باوعتله بطرف عيني " لييش تسأل "
جاوبني " هيج استغربت اخت الحيه تبجي "
" اكلك مو چنك لحيت تره سمية خانتني اليه مو الك ، خاف عندك شي وياها "
جاوبني " لا طبعاً ماعندي شي وياها جنت معجب بيها وناوي اخطبها بس همزين متورطت "
رديت " ادري معجب بيها بس عبالك عندك شي وياها ع العموم ريتاج تبجي بسبب سمية لان من هي صغيره متأذيه من وراها الكل جانو يفضلون سمية على ريتاج وهسه هي تزوجت وارتاحت وبقت سمعتها ملطخه ريتاج "
أنت تقرأ
رَحـــمـــة
Romantizmأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
