مساء الخير ♥️
البارت السادس عشر
#رحمة
للكاتبة فاطمة العبيدي
خلف الله اعلى چويه چفك المسموم
فضحت طينتك يـ الچنت خافيها
متابعة ممتعة ♥️
______________________
مديت راسي وشفت اخر شخص ممكن اشوفه
انصدمت بوجود امي
والله استغربت من كلت امي ناسيتها ورايحه من بالي
معقوله امي من ضمن الامهات الي الجنه تحت اقدامهن
مرات من اشوف قلق عمه انتصار على اولادها من يتأخرون وبناتهم من يتمرضون احس بنقص مو طبيعي
عمري مشفت بعيون امي خوف علينا دائماً باردة ناحيتنا جنت اكول هي طبيعة امي هيج بس طلعت ماعدها حنان الام كله مصطنع
حسيت بدمعة تنزل على خدي باوعت تحجي ويا ابراهيم وهو منفعل تقربت زين حتى اسمعهم
" روحي الله يخليج ليش تردين تخربين فرحته بصباحيه عرسه "
"ولك اني امك شلون تطردني وخر وخر خل افوت "
دفعته ودخلت شافتني ابتسمت وصاحت بأسمي درت وجهي ودخلت للغرفه بدون ما انطي بكلمة امسح بدموعي وتنزل غيرهم
وكفت يم الباب حتى اسمع صوتهم ميوصل شي طلعت غسلت وجهي ووكفت قريب من الصالة حسيت بأيد انحطت على كتفي فزيت والتفتت " وكفت كلبي احمد شدعيلك "
ضحك وكال "عليمن دتتسمعين "
"امي"
كلمة وحده خلت ابتسامته تروح وخرني ودخل حجه بدون مقدمات " خير يا طير شعندج جايه لازم سمعتي بينا فرحانين وجيتي تخربين"
ردت " ليش يمه شعندي غيركم اني"
"اي ابد ماعندج غيرنا من عفتينا بأيام محتاجين احد يلمنا انتي حتى منتظرتي ابويه يصيرله سنه يلا تتزوجين طب مات ابويه طب تزوجتي ادري سالفتج مو خاليه احجي بسرعه شعندج "
باثناء كلامنا دخل زياد وهاجر انصدم زياد بوجودها بس اتدارك الموقف وسلم من بعيد وكعد اني جنت واكفه على صفحه يم الباب
طبطب زياد على مكان بصفه وصاحني رحت كعدت يمه
باركت امي الزياد وهو جان يرد عادي بعدين ترخصت وراحت تمنيتها مثل الامهات حنينه وتحبنا جان توسلت بيها تبقى وره مطلعت حسيت بروحي راح انهار كدام اخواني كبل دخلت بالغرفه ونمت وتغطيت ضليت ابجي واعاتب بيها
ليش اني من انخطبت ما اجتي ليش من سمعت بزياد اتزوج اجتي وباركت حتى مكلتلي مبروك المن انخطبتي حسيت نفسي ينكطع من كثر البجي اكتم الشهكه بمخدتي حتى ميطلع صوت
انفتح الباب حسيت احد كعد يمي وشال الغطا من راسي
زياد " شو رفعي راسج عن المخده داشوف "
مرفعته ولا تحركت لزم اكتافي ودارني عليه
أنت تقرأ
رَحـــمـــة
Romanceأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
