مساء الخير حبايبي 💜
البارت السابع عشر
#رحمة
للكاتبة فاطمة العبيدي
________________________
عيب اكلك تعبتني
عيب احشمك بالمحنه
وانت ذاك الحنين العودتني
متابعة ممتعة
________________________
فتحت الرسالة 💬 شلونج حبيبتي
استغربت هذا نفسه الي جان جاي من وره خشمه
رديت " الحمدلله وانته
جاوبني " الحمدلله مشتاقلج
" شكراً
" شبيج شو تحجين معلك
" هو منو العايفني صار فوك الاسبوع وفوكاها من اجيت حتى بوجهي مباوعت وهذا غير كلامك الجارح ايهم اذا متريدني ومتندم لان خطبتني عوفني والله تره اني مذابه نفسي على احد
" على كيفج على كيفج لا ماريدج ولا شي مامتندم اني تعبان وضعط الشغل بعدني عنج "
ضل يطلع اعذار واني ممقتنعه بأي شي كاله سكتت وبلعتها
بديت اطلع اني وهاجر وموده حتى اكمل نقوصاتي واشوف بدلات حضرت كلشي وكملت
وحان وقت اكثر شي يكرهو البنات لزمتني موده نظفت جسمي متت متت اكمز وكل شويه اكلها بطلت ماريد
رحت للصالون سويت تنظيف بشره وحفيت وجهي رجعت للبيت سبحت موده حايره بالبيت وتعزم بالعالم رحت صليت ونمت
اليوم حنتي سحلتني موده الصبح جنت مثل اي بنيه فرحااانه وطايره تزوجت شخص احبه واعرفه ومتقبلني بكل عيوبي
رحت للصالون احتاريت تسريحه فل رفعت جزء منه وجزء نازل وخليت تاج بسيط لبست بدله رماني ردانها كيبور باوعت على نفسي بالمرايا ابتسم برضا على شكلي مثل ما ردت
اجه ضياء اخذنا جانت ويايه هاجر لان موده متكدر تجي ملتهيه بالبيت وصلنا وساعدتني هاجر نزلت ودخلت جوه جنت ميته جوع
جابتلي لفه كباب اكلت وعدلت حمرتي وكعدت بالصاله بدت العالم تجي وهل مره اكثر من المهر واكثرهم معرفتهم صحت على موده سألتها عليهم
كلتلي كرايب بابا اخذت ارقامهم من عمه انتصار وعزمتهم
كامو البنات يركصون مريم وهاجر فنانات بالركص خلو الكل صافن عليهن جوي عليه ديكوموني مقبلت ماعرف
كتلهن عود ورا العرس علموني اركص
شويه وكالو اجه العريس عدلت كعدتي وصحت على هاجر
"باعي وجهي مرتب مكياجي عدل "
"اي اي والله تخبلين جنج حلقومه "
دخل ايهم ويا هوسه خواته وهلاهل عمتي
بت عمنه واختنه تصير چنتنه منريد الغريبه تدوس عتبتنه
أنت تقرأ
رَحـــمـــة
Romanceأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
