البارت الواحد والاربعون
#رحمة
للكاتبة فاطمة العبيدي
_________________________
واخذ دور السما مو حلو دور الكاع
وضل فلاح تزرع ما يزرعونك
متابعة ممتعة♥️
_________________________
رحمة :
راح يوسف يشوف التحليل ورجع مبتسم
حجيت بلهفة " هاا بشر "
ردني " مو حامل حبيبي بعد العمر گدامنا"
احتلني اليأس نزلت دمعتي وهو تخبل لزم ايدي وطلعنا من المختبر فتح باب السيارة وكعدني وراح جاب مي واجه
حجه " ليش هيج تقهريني جاي اكلج مارايد جهال انه عندي انتي بالدنيا كلها بعدنا بأول زواجنا لتخلين هاي الدموع تنزل اعلى اي شي بالدنيا يغسلني كون ابويه انتي "
رديت " يوسف اني اريد اصير ام اريد طفل الاعبه ابدله مردت شي صعب والله "
جاوبني " هذا اخبار من رب العالمين مايصير تعترضين على حكم ربج "
حجيت " اي هاي هسه كلت هيج بعد كم شهر تكول لعمتك دورولي مره وحجتك الجاهل "
ضحك واهتزت اكتافه حجه "يبووي هل شايله هم اتزوج واجيب عليج مره مسودن انه واكسرج بمره ولج كلهن مو بعيني تعرفين بيه شكثر احبنج مابدلج بالدنيا كلها "
رديت " اي شمدريني اني قاريه بالقصص يضل يكلها ماتزوج غيرج وما ابدلج وكبل يجيب عليها ضره "
يوسف " عبنج غبره انه شلي بالقصص اذا هو مو زلمه ويرد بحجايته انه مارد بحجايتي "
ابتسمت وهو كرصني من خدي وكال " يدفنوني هنا كون "واشر ع المكان البين خدودي وشفايفي
ساق السيارة شويه ووكف كدام مطعم راح جاب بيتزا ثنين واله لفات صاج ومقبلات اول ما صعد شميت ريحتهن وكلت " اووف جعل الريح كلها هيج "
ضحك وكال " افتحيهن واكلي اذا جوعانه "
رديت " لا ناكل سوه بالبيت "
وصلنا للبيت ونزلنا حطينا الاكل واجوي البنات
يوسف الحد هسه ميحجي ويا مريم وهي تستحي تحاجي
ردت اخذلها العشا للغرفه بس يوسف صاح " لا رحوم روحي صيحيها تاكل ويانه "
فرحت ورحت بسرعه فتحت الباب جانت كاعده صافنه حجيت
" يله مريومه كومي نتعشا "
ردت " اكلو بالعافيه اني ماريد "
حجيت " كيفج هسه حروح اكله اليوسف تكول ماريد "
فزت من مكانها وحجت " صدك يوسف يعني هو الي دزج"
ابتمست على فرحتها وحجيت " اي هو اني ردت اجيبلج العشا بس هو كال خليها تجي تاكل ويانه "
أنت تقرأ
رَحـــمـــة
Romanceأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
