البارت الرابع والثلاثون
#رحمة
للكاتبة فاطمة العبيدي
________________
محد يسوه نتعبله
ومحد يسوه نكتبله
نحب ٱلُـ'ـُنُــُٱسُ وينامون
واحنه وي السهر شله
متابعة ممتعة🤍
_____________
ريتاج: اتفاجأت بكلام عمو محمود يعني بابا بعده ترابه اخضر وهو حاير شلون يبقيني بالبيت وقصي موجود
قصي كام وصاح " ريحانه حضري جنطتي اني طالع منا وهل موضوع ينسد مو من تالي وكت تقررون حياتي شلون تصير وبكيفكم تختارون وتقررون تزوجوني لا ومحددين شوكت "
محمود " انجب واسكت وين تلكه احسن من بنت عمك "
قصي " لتخبلنيي رابي وياها اني حالها حال خواتي شلون اخذها
يابه حتى بعدها طفله كل عمرها ١٦ سنه شلون اتزوجها "
محمود " مابيها شي اني اخذت امك وهي عمرها ١٥ سنه وربيتها على ايدي وهاي كدامك ماكدر بلياها "
قصي " زمن اول تحول اني مالي بقيه بهذا البيت لحد ما ينسد هل موضوع "
عافنا وطلع بالكراج واني صافنه ماعرف شحجي كمت من مكاني وصعدت لغرفتي طبيت وانفجرت بالبجي
اووف بابا بعدك انذليت واحد يقنع بالخ عليه شلون هنت عليك وعفتني مفكرت اني منو الي شلون اعيش واني محد متحملني وواكف ويايه بعدك مصار على موتك اسبوع ويردون يزوجوني
لزمت تلفوني الي صارلي من يوم المات بابا اني مشايفته ولا فاتحته
لكيته طافي دورت ع الشاحنة وخليته
انتظرته انفتح وبدت الرسائل والمكالمات من رحمة وابراهيم وحتى سميه
مهتميت لمكالمه سميه دكيت على رحمة وهي بسرعه جاوبتني
سألت عني واني ضليت ابجي وهي تهدي بيه
حجيت" رحمة محتاجتج اريد احجي وياج "
جاوبتني " اليوم اجيج هسه يجي يوسف واخلي يجيبني عليج "
ختمته منها وفتحت رسائل ابراهيم وجانت كلها رسائل قلق عليه ويريد يطمن
مجانت الي قابليه احجي انتظرت جيت رحمة
________________
رحمة :
بعد ما خلصت الفاتحه رجعت للبيت جنت تعبانه جسدياً نفسياً موت عمي اثر بيه هوايه احبه كلش وهو جان يحبني ودائماً يسأل عني
اخذني تفكيري لريتاج جانت هوايه متعلقه بي ومتكدر على فراكه بس هو الصبر من رب العالمين
وموده اووف يا موده احسها شمعه وانطفت بعد ضياء عايشه علمود جنه بس
اتذكر اول يوم من رجعت وصلني زياد وفتت للبيت سألت مريم على يوسف كالت بالغرفه نايم
أنت تقرأ
رَحـــمـــة
Romanceأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
