البارت الثاني والاربعون
#رحمة
للكاتبة فاطمة العبيدي
________________
يالچنك اغاني الـ ياس
يالماخذني من الـ ناس
يَ ابو دلال متنگع بحنيه
اريد عيونك الوكحات بس ليه
نخل گلبي ونظرتك فاس
كتابعة ممتعة♥️
______________
مودة :
نزل قصي وشايل بيده جنه ضليت اباوع عليه شنو هل برود معقوله مسمع صوتنا والهوسه الجوه
باوعلنا وكال " شبيكم شو وجوهكم صفره "
فات من يمي وحجه بهمس " هي صفره وتنكرط"
عكدت حاجبه وحجيت " يالله ريتاج عيني استعجلي ورانه فره "
باوعلي وكال " على وين يابه وين تروحن"
ردت عمتي انتصار " نجهز لزواج لرتوجه يمه "
جاوبها " هاا خوش لعد روحو وعوفو جنه يمي "
رديت بسرعه "لاا ليش دتبقى يمك تجي ويايه "
كام وشالها حجه " هاا جناوي تجين ويايه لو ترحين وي ماما "
حجت جنه " ويات (وياك)"
الادبسزز باعتني رفعت ايدي وكلت " يالله ماماتي جناوي نروح بباي "
رفعت اكتافها برفض ضليت حايره شلون اعوفها يمه
بس البنات كلولي احنه هنا لتخافين عليها عفتها وطلعت
بدينا نشتري وريتاج مستحيه من الاشياء النسائيه بس مضطره توافق
كلشي اشترينا من ملابس ومكياج بقى بس الذهب ابراهيم راد هو وياها يختارون من نكمل نتصل عليه احنه نرجع وهو وياها يبقون
رحمة اخذت فستان وجرتني وياها الا تاخذين وبعد محاولات اقناع من قبل رحمة وعمتي وريتاج اشتريت فستان اسود يصير الظهر مفتوح ومنفوش من الخصر وجوه ردانه شيفون بي شغل
عمتي كالت اختارو للبنات لان عمكم مدري شبي حتى ميخليهن يطلعن المكان
اخذنالهن على ذوقنا ووكفنا ننتظر ابراهيم يجي
شويه ووصل راحو واحنه اخذنا تكسي ورجعنا للبيت
دخلنا نحط غراضها بغرفتها ونروح فتنا من باب الكراج واشوف قصي وجنه ديلعبون بالالعاب وصوت ضحكهم واصل ليمي
عمتي كبل كالت شوف شلون مكيف بيها ما الله يهدي وازوجه واشوف جهاله
انتبهت عليه جنه واجتني تركض او بالاصح تتدعبل
هل ايام خففت من اكلها لان خفت تخرب صح عمرها سنتين
بس اخاف عليها تخرب وتاخذها للكبر
أنت تقرأ
رَحـــمـــة
Romanceأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
