هَــ(✋)ــِلاؤ ↝ بنوتاتي هذا البارت طلبتو مني ولو قصير 🌝
البارت الثالث والثلاثون
#رحمة
للكاتبة فاطمة العبيدي
__________________
يا گـبـر اليلمك گـلي يا تابوت ؟
يادمعه العليك الخاطر اتجبره ؟
اسمك بالكبر ميفوت ادفنك وين
اذا دخلته يطلع كم حرف بره
چنت ويا اصدقائك خيط وابره اتصير
تخيطلهم مواقف لو شفت ثغره
واصد لجنازتك امك وكم مفجوع
موجودين بس ووجوهم صفره
متابعة ممتعة ♥️
_________________
رحمة :
كامت وحده من بناتها باست يوسف ضليت صافنه ومبرطمه
احترك كلبيي شهل ميانه ليش باسته حسيت بكرصه بزندي انداريت لكيت مريم وسيف غاصين ضحك عليه
رحت كعدت يمهم واباوع اليوسف كاعد ويسولف وي خالته ولا اهتملي همسلي سيف " يابويه شكثر فطيره ضليتي صافنه بنص الهول عليهم مثل شمعه فكر "
رديت " هاي الشمعه اليوم تحرك اخوك "
ضليت اباوع بغضب اليوسف من يحجي وي بنت خالته وهي تحجي وتتموع عجبني هيج كون اسحلها من عطوبها المطلعتهن من الشال
التفت يوسف باوعلي وابتسم خزرته وهو عكد حاجبه مستغرب واشرلي براسه بمعنى "شكو"
درت وجهي ضايجه عود يسوي نفسه ميدري يبوس بالبنات
كمت ويا البنات تريكنا ونظفنا وسوينا الغده وهو لاطش يمهم متحرك
كملنا وحطينا الغده والتمو كعدنا اكلنا وهو نظراته عليه واني ثكلت روحي وبعد مباوعت عليه
شربو جاي وبنت خالته حسب ماسمعت يصيحولها نوشه تتشاقه وتضحك حتى ويا سيف وتلزم بي اجتي دتتشاقه ويا يوسف ولزمت ايده باوعت على يوسف وخزرته هو ابتعد بسرعه
ترخصت منهم وطلعت بسرعه اذا ابقى امدها بالكاع واشبعها كتل
دخلت سبحت ولبست شورت وكيمونه مشطت شعري ونشفته ومددت شويه ودخلت يوسف
مباوعت عليه ولا اهتميت نزع البدي مالته والفانيله وتمدد لزم ايدي سحبتها وصحت " عوفنييي"
ابتسم وكال " شبييج جاي شم ريحه شعواط "
رديت " اي هاي ريحه شعر نوشه ام عطوب "
يوسف " دتعالي دنسولف "
يجر بيه يريد يقربني عليه واني ادفع بي عطت " مااا عوفني شبعت بوس وتلمس جوه وهسه جيت يمي "
ضحك بصوت وحجه بصوت هايم " ولج بويه انه بلايه شي شكد احبنج نوب تغارين هيج "
ضل يدغدغ بيه واني اضحك لزمت ايده عضيته حيل صاح " ميخالف بردي كلبج ادريج عطبتي من القهر والغيره "
أنت تقرأ
رَحـــمـــة
Romansaأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
