البارت الثامن
#رحمة
للكاتبة فاطمة العبيدي
هلا بكل اليجن والمايجن منك♥️
قراءة ممتعه
_____________________
صاح عليه زياد كمت طلعت اني وموده وجنه تمشي كدامنا
بوست عمتي والبنات جانت ريام وريحانه ورنا باين عليهم الفرح
كلش حبيت ردة فعلهم عمتي تمسد على شعري وتصلي ع النبي
انتصار : والله من كلي ايهم الدنيا موسعتني جنت متمنيتج الواحد من ولدي الحمدلله جعلج من نصيبه
كلش استحيت منهم كمت قدمتلهم عصاير وكيك زياد جاب باكيت مليان كيك واحمد مطير نص الباكيت هسه لو يبين بي ياكل منا يطير منا
كعدت يم سميه همستلها "مشتاقتلج "
اندارت عليه وكلتلي اني هم مشتاقتلج سولفو شويه وبعدين عمتي انتصار كالت عمج محمود كال الحاضر١٠ مليون والغايب ١٥ مليون واذا معجبكم عمج راح يجي باليل يتفقون حتى الاثنين نعقدلكم ونلبسكم حلقات
رحمة : عمه خاف ما الحك احظر نفسي على الاثنين
انصدمت بسمية من كالت "ديلا عيني علساس شراح تشترين "
موده : ليش شتشتري نحظر ميز كامل مال عقد ونأجر كوشه ونشتري فستان واحتياجاته وصالون
بردت كلبي من حجت موده ماعرف ليش سميه هيج حجت من شافتني ضجت وموده ردتها ضحكت وكالت
" افتهمتوني غلط اقصد هي شغلات بسيطه نلحك يعني اني هم مثل اختها ووياها شتريد جاهزة وبابا كال اي شي يحتاجون اني موجود "
رحمة : تسلمين حبيبتي ربي يحفظه العمو ويرزقه اني ممحتاجه زياد ممقصر بشي
ورة شويه ترخصو وراحو طبينا للغرفه موده كالت والله فلا ارتاحيتلها لهاي سمية تحسيها مثل اول حرفين من اسمها سم تنكط سم
ضحكت وكتلها لا يمعوده بالعكس هي كلش تحبني وعلاقتي قويه بيها احتمال من باب الميانه حجت هيج
بدلت وسوينه عشه اجوي اخواني التمينه وسوالف وضحك احمد جان شايل علاكه صغيره طلعها بيها حجول ثنين صغار
احمد : هاي اكو محل مقابيل المحل الاشتغل بي مال ذهب برازيلي بس شفتهن تخيلتهن على رجل جناوي
لبسهن الها وهي سمينة ومدعبله كلسع تكعد بالكاع وتخرخش بيهن
دلوعه ومخبله اخواني بيها راحت على ابراهيم جان كاعد لزمت جتفه ورفعت رجلها اله
جنة : بوثي (بوسي ) عود بوسه
ابراهيم حطها بحضنه وضل يعضعض بيها ويدغدغدها ويكلها كولي ابراهيم وهي تكله الهيم ويعضعض بخدها
جنة :وخل اوفني (وخر عوفني)
زياد : عوفها ولك ضوجتها تعالي حبيبة خالج هسه اني اكتله لتضوجين
أنت تقرأ
رَحـــمـــة
Romanceأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
