مساء الخير
البارت الثالث عشر
#رحمة
للكاتبة فاطمة العبيدي
-وادري بيك
وچني ماادري واجيت
ومن ثگل وجهك
عرفت الدنيا خربت
ٱلُـ'ـُنُــُٱسُ خربت
وبابكم عينه اعلى گلبي
ونسيت...
وداعة الله
ولا يضل بالك عليه
النيه چانت بس احبك
هالمشيت
متابعة ممتعة....
________________________
ضحكت بوجهه ورديت " هسه ماما افتهمنا ليش تضوج منها هذوله الاثنين شمسويلك "
جاوبني "ايهم حياخذج من عدنا وهم احسه خبيث وسميه يا يابه ولا تنطاق تحسيها حيه حتى نظراتها تنكط سم "
طب ابراهيم كأنو سمع كلامه وحجه "انجب لك شمسويتلك شو تجي تكعد وتروح حتى عينها مترفعها علينا "
جاوبه احمد " شتصخم بينه لا فلوس ولا سيارات هيج شكول تحب التفاخر اني سمعتها ترس اذني شلون تفيك على اختك وهاي مثل الثوله تسمعلها ولا عبالك دتغثها ضلو هيج بهاي كلوبكم الطيبه لحد مياكلوكم " عافنا وطلع باوعت على ابراهيم حسيته انقهر او يمكن جان غافل على هاي السالفه شلون يتزوج وهو لا وظيفه ولا غرفه
بيومها حتى مراح للمحل اثرت بي حجايه احمد وطول الوكت يحاجو الولد ساعه يجاوبهم وساعه يصفن حتى احمد حس واجه سألني " اكلج هو من حجيت اني لحد هسه هيج مو "
جاوبته " اي والله لو محاجي احسن "
رد" لا ينقهر مني احسن ميتفشل بعدين " حجاها وطب للغرفه
مرت كم يوم محاجيه ويا ايهم وسميه كل يوم تجي وتضل تسألني " تصالحتو لو لا
شوكت تتصالحون
يمعوده فكي ويا خطيه
واردها " لا خلي يتعلم مياخذني بعين الصغيره ودائماً لازم شيكول انفذ وخصوصاً اذا جانت الشغله غلط "
يمكن تكولون تبالغين عادي اغلب المخطوبات يتقبلون ويسون هيج اشياء صح اني محد معلمني ومحد كايلي هل شي غلط وحرام بس اني نفسي تقرف ومتتقبل اذن هل شي مو زين
هل ايام مداومت مالي واهس اتخابر هواي اني ومريم وكم مره كتلها تعالي يمنه تتعذر مني " والله اخويه ميقبل يكول البيت بس شباب ودتتشارفن بالجامعه على شنو دتروحين "
هاجر طول هل ايام مراسلتها ردتها تفكر زين وزياد كل شويه جاي
ها مخابرتج
مردتلج الموافقه
خابرتيها
واني اكله " عوفها تفكر براحتها حتى متتندم بعدين يعوفني ويسكت
اليوم كاعده صادف يوم جمعة خابرتني هاجر
رديت " الو هلاو
جاوبتني " هلاو رحوم شلونج
"الحمدلله بخير وانتي شلونج
" الحمدلله ااا شسمه رحمة اني فكرت
كمت اشرت الزياد حتى يسمع بنفسه اجه ويأشرلي براسه بمعنى شكو حطيت اصبعي على شفايفي حتى يسكت واشرتله على التلفون
ضل صافن واني فتحت السماعه وجاوبتها
أنت تقرأ
رَحـــمـــة
Romanceأصبح قلبي مقبرة وتبخرت روحي مثل سحابة سماء سوداء هبت عليها رياح عاتيه فنتاثرت كَـ اوراق الخريف 🍁 فتاة بريئة تعيش في جو عائلي دافئ تسوده المحبة تفقد اقرب ٱلناس اليها فتعتزل عن هذا العالم فهل تدوم عُزلتها ام ...
